ಬೆಂಡೆಕಾಯಿಯ ಸರ್ಕೋಸ್ಪೋರಾ ಎಲೆ ಚುಕ್ಕೆ ರೋಗ

ರೋಗಲಕ್ಷಣಗಳು

ಶುರುವಿನಲ್ಲಿ ಎಲೆಗಳ ಕೆಳಭಾಗದಲ್ಲಿ ಅನಿಯಮಿತವಾಗಿ ಹರಡಿದ ಕಂದು ಬಣ್ಣದ ಚುಕ್ಕೆಗಳು ಕಾಣಿಸುತ್ತವೆ. ಗಿಡಕ್ಕೆ ಹತ್ತಿರವಿರುವ ಹಳೆಯ ಎಲೆಗಳಿಗೇ ಸೋಂಕು ಹೆಚ್ಚು. ಸೋಂಕು ಹೆಚ್ಚಿದಂತೆಲ್ಲ ಎಲೆಗಳು ಒಣಗಿ ಕಂದು ಬಣ್ಣಕ್ಕೆ ತಿರುಗುತ್ತವೆ ಮತ್ತು ಕೊನೆಯಲ್ಲಿ ಸುರುಳಿ ಸುತ್ತಿಕೊಂಡು ಉದುರಿ ಹೋಗುತ್ತದೆ. ಸೋಂಕು ತೀವ್ರವಿದ್ದಲ್ಲಿ ಗಿಡದ ಎಲೆಗಳೆಲ್ಲ ಉದುರಿ ಹೋಗಬಹುದು. ಶುರುವಿನಲ್ಲಿ ಎಲೆಗಳ ಕೆಳಭಾಗದಲ್ಲಿ ಮಬ್ಬು ಹಳದಿ ಬಣ್ಣದ ಚುಕ್ಕೆಗಳ ರೂಪದಲ್ಲಿ ಮಸುಕಾದ ಕಲೆಗಳು ಸ್ಬಷ್ಟವಾಗಿ ಕಾಣುತ್ತವೆ. ಬಳಿಕ ತಿಳಿ ಕಂದು ಬಣ್ಣದಿಂದ ಬೂದು ಬಣ್ಣದ ಬೂಷ್ಟಿನಂಥ ಪದರ ಬೆಳೆದು ಅದು ಎಲೆಯ ಕೆಳಭಾಗವನ್ನು ಪೂರ್ತಿಯಾಗಿ ಆವರಿಸುತ್ತದೆ. ಸೋಂಕು ತೀವ್ರವಾದಾಗ ಮೃತ ಭಾಗಗಳು ಎಲೆಯ ಮೇಲ್ಭಾಗದಲ್ಲಿ ಕಾಣಿಸಿಕೊಳ್ಳುತ್ತವೆ. ಈ ಎಲೆಗಳು ಕೊನೆಯಲ್ಲಿ ಒಣಗಿ ಉದುರಿ ಹೋಗುತ್ತವೆ. ಸೋಂಕು ನೆಲಕ್ಕೆ ಹತ್ತಿರವಿರುವ ಎಲೆಗಳಿಂದ ಶುರುವಾಗಿ ಮೇಲಕ್ಕೆ ಹರಡುತ್ತಾ ಹೋದಂತೆ ಕಾಂಡ ಮತ್ತು ಹಣ್ಣಿನಲ್ಲೂ ರೋಗಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ. ಮಸಿಯಂತೆ ಕಪ್ಪಗಾದ ಚುಕ್ಕೆಗಳಿಗೆ ಕಾರಣವಾಗುವ ಪಿ. ಅಬೆಲ್ಮೋಶಿ ರೋಗಾಣುವಿನ ಲಕ್ಷಣಗಳೆಂದು ತಪ್ಪು ತಿಳಿಯುವ ಸಾಧ್ಯತೆಯಿದೆ.