ಮೆಕ್ಕೆ ಜೋಳ
ಜೋಳದ ಕಾಂಡ ಕೊಳೆತ
Gibberella fujikuroi
ಶಿಲೀಂಧ್ರ
5 mins to read
ಸಂಕ್ಷಿಪ್ತವಾಗಿ
- ದುರ್ಬಲ ಕಾಂಡಗಳು.
- ಕಾಂಡಗಳ ಮೇಲೆ ಸಣ್ಣ, ಕಪ್ಪು ಶಿಲೀಂಧ್ರ ರಚನೆಗಳು.
- ತೆನೆಯ ಬಣ್ಣ ಕಳೆದುಕೊಳ್ಳುವಿಕೆ.
- ಕುಂಠಿತ ಬೆಳವಣಿಗೆ.
ಇವುಗಳಲ್ಲಿ ಸಹ ಕಾಣಬಹುದು
ಮೆಕ್ಕೆ ಜೋಳ
ರೋಗಲಕ್ಷಣಗಳು
ಪರಿಸರ ಸ್ಥಿತಿ ಮತ್ತು ರೋಗದ ತೀವ್ರತೆಯನ್ನು ಅವಲಂಬಿಸಿ ರೋಗಲಕ್ಷಣಗಳು ಬದಲಾಗಬಹುದು. ಸೋಂಕಿತ ಸಸ್ಯಗಳು ಅವುಗಳ ಅಸಹಜ ಎತ್ತರದಿಂದಾಗಿ ಸುಲಭವಾಗಿ ಪತ್ತೆಯಾಗುತ್ತವೆ. ಉದ್ದವಾಗಿ ಅಥವಾ ಕುಂಠಿತವಾಗಿ ಮತ್ತು ಮಸುಕಾಗಿ ಕಾಣುತ್ತವೆ. ಬೀಜಗಳ ಮೇಲೆ ಗಾಯಗಳು ಇರುತ್ತವೆ. ಕೊಳೆತ ಸ್ಥಿತಿ ಮತ್ತು ಮಂಕಾಗಿ ಕಾಣುತ್ತವೆ. ತೊಗಟೆಯ ಬಣ್ಣ ಕಳೆದುಕೊಳ್ಳುವಿಕೆ, ಮೋಲ್ಡ್ ಗಳ ಬೆಳವಣಿಗೆ, ಕುಂಠಿತ ಬೆಳೆವಣಿಗೆ ರೋಸೆಟ್ಟಿಂಗ್ ಲಕ್ಷಣಗಳು ಕಾಂಡಗಳಲ್ಲಿ ಕಂಡುಬರುತ್ತವೆ. ಎಲೆಗಳಲ್ಲಿ ಅಸಹಜ ಬಣ್ಣಗಳು ಮತ್ತು ಶಿಲೀಂಧ್ರಗಳ ಬೆಳವಣಿಗೆಯನ್ನು ಕಾಣಬಹುದು. ತೆನೆ ಭಾಗದಲ್ಲಿ ಕಪ್ಪು ಅಥವಾ ಕಂದು ಬಣ್ಣದ ಗಾಯಗಳು ಕಾಣುತ್ತವೆ ಮತ್ತು ತೆನೆ ಕೊಳೆತ ಕಾಣಬಹುದು. ಇಡೀ ಸಸ್ಯವು ಬಾಡಿ ಹೋಗುತ್ತದೆ ಮತ್ತು ಆರಂಭಿಕ ಮಾಗುವಿಕೆ ಮತ್ತು ಸಸಿ ರೋಗ ಕಂಡುಬರುತ್ತದೆ.
Recommendations
ಜೈವಿಕ ನಿಯಂತ್ರಣ
ರೋಗಕಾರಕವನ್ನು ಹರಡುವ ಕೀಟಗಳನ್ನು ನಿಯಂತ್ರಿಸಲು ಬೇವಿನ ಸಾರವನ್ನು ಸಿಂಪಡಿಸಿ. ರೋಗಕಾರಕವನ್ನು ನಿಗ್ರಹಿಸಲು ಟ್ರೈಕೊಡರ್ಮಾ ಎಸ್‌ಪಿಪಿಯಂತಹ ಜೈವಿಕ ನಿಯಂತ್ರಣ ಏಜೆಂಟ್‌ಗಳನ್ನು ಪರಿಚಯಿಸಿ. ಕಾಂಡದ ಕೊಳೆತವನ್ನು ನಿಯಂತ್ರಿಸುವಲ್ಲಿ ಸ್ಯೂಡೋಮೊನಾಸ್ ಫ್ಲುರೋಸೆನ್ಸ್ ಸಹ ಪರಿಣಾಮಕಾರಿಯಾಗಿದೆ. ಆ ಎರಡೂ ಪದಾರ್ಥಗಳನ್ನು ಬೀಜೋಪಚಾರವಾಗಿ ಮತ್ತು ಮಣ್ಣಿನ ಅನ್ವಯವಾಗಿ ಬಳಸಬಹುದು. 250 ಕೆಜಿ ಎಫ್‌ವೈಎಂನೊಂದಿಗೆ ಬೆಳೆಯನ್ನು ಬಲಪಡಿಸಿ.
ರಾಸಾಯನಿಕ ನಿಯಂತ್ರಣ
ಲಭ್ಯವಿದ್ದಲ್ಲಿ ಜೈವಿಕ ಚಿಕಿತ್ಸೆಗಳೊಂದಿಗೆ ತಡೆಗಟ್ಟುವ ಕ್ರಮಗಳಿರುವ ಸಂಯೋಜಿತ ವಿಧಾನವನ್ನು ಯಾವಾಗಲೂ ಪರಿಗಣಿಸಿ. ಬೀಜಗಳನ್ನು ನಾಟಿ ಮಾಡುವ ಮೊದಲು ಮ್ಯಾಂಕೋಜೆಬ್ 50% ಮತ್ತು ಕಾರ್ಬೆಂಡಜಿಮ್ 25% ದ್ರಾವಣದೊಂದಿಗೆ ಬೆರೆಸಿ.
ಅದಕ್ಕೆ ಏನು ಕಾರಣ
ಮಣ್ಣಿನಿಂದ ಹರಡುವ ಶಿಲೀಂಧ್ರ ಗಿಬ್ಬೆರೆಲ್ಲಾ ಫುಜಿಕುರಾಯ್‌ನಿಂದ ಈ ರೋಗ ಉಂಟಾಗುತ್ತದೆ. ರೋಗಕಾರಕ ಬೀಜಕಗಳು ಗಾಳಿ ಮತ್ತು ಮಳೆಯ ಮೂಲಕ ಹರಡುತ್ತವೆ ಮತ್ತು ಗಾಯಗಳ ಮೂಲಕ ಮೆಕ್ಕೆಜೋಳದ ತೆನೆಗಳನ್ನು ಪ್ರವೇಶಿಸುತ್ತದೆ. ಬೀಜಕ್ಕೆ ರೋಗ ತಗುಲುವ ಮೂಲಕ ಗಿಡಗಳಿಗೂ ತಗಲುತ್ತದೆ. ಆದರೆ ನಂತರದ ಹಂತಗಳಲ್ಲಿ ರೋಗಲಕ್ಷಣಗಳು ಗೋಚರಿಸುತ್ತವೆ. ಇದು ಬೀಜಗಳು, ಬೆಳೆ ಉಳಿಕೆಗಳು ಅಥವಾ ಹುಲ್ಲುಗಳಂತಹ ಪರ್ಯಾಯ ಆತಿಥೇಯ ಸಸ್ಯಗಳ ಮೇಲೆ ಉಳಿದುಕೊಂಡಿರುತ್ತದೆ. ಇದು ಸಿಲ್ಕ್ಸ್, ಬೇರುಗಳು ಮತ್ತು ಕಾಂಡಗಳ ಮೂಲಕ ಬೀಜಕದ ಮೂಲಕ ಹರಡುತ್ತದೆ. ಇದು ಮುಖ್ಯವಾಗಿ ಕೀಟಗಳಿಂದ ಉಂಟಾಗುವ ಗಾಯಗಳ ಮೂಲಕ ಜೋಳದ ತೆನೆ ಪ್ರವೇಶಿಸುತ್ತದೆ. ಇದು ಪ್ರವೇಶ ಬಿಂದುಗಳಿಂದ ಕಾಳುಗಳಲ್ಲಿ ಮೊಳಕೆಯೊಡೆಯುತ್ತದೆ ಮತ್ತು ಕ್ರಮೇಣ ಆಕ್ರಮಣ ಮಾಡುತ್ತದೆ. ಪರ್ಯಾಯವಾಗಿ, ಇದು ಸಸ್ಯವನ್ನು ಬೇರುಗಳಿಂದ ಆಕ್ರಮಣ ಮಾಡಲು ಪ್ರಾರಂಭಿಸಬಹುದು ಮತ್ತು ವ್ಯವಸ್ಥಿತವಾಗಿ ಬೆಳೆಯುತ್ತಾ ಸಸ್ಯದ ಮೇಲಕ್ಕೆ ಚಲಿಸಬಹುದು. ಪರಿಸರ (ಒತ್ತಡ) ಪರಿಸ್ಥಿತಿಗಳಲ್ಲಿ ಸಸ್ಯಗಳು ಸೋಂಕಿಗೆ ಒಳಗಾಗಬಹುದು, ಆದರೆ ಹವಾಮಾನವು ಬೆಚ್ಚಗಿರುವಾಗ (26-28 ° C) ಮತ್ತು ತೇವಾಂಶದಿಂದ ಕೂಡಿರುವಾಗ ಮತ್ತು ಸಸ್ಯಗಳು ಹೂಬಿಡುವ ಹಂತವನ್ನು ತಲುಪುವ ಸಮಯದಲ್ಲಿ ರೋಗಲಕ್ಷಣಗಳು ತೀವ್ರವಾಗಿರುತ್ತವೆ.
ಮುಂಜಾಗ್ರತಾ ಕ್ರಮಗಳು
- ರೋಗ ಮುಕ್ತ ಬೀಜಗಳು ಮತ್ತು ಎಸ್‌ಸಿ 637 ನಂತಹ ಸಹಿಷ್ಣು ತಳಿಗಳನ್ನು ಬಳಸಿ.
- ಮೆಕ್ಕೆ ಜೋಳದ ಸಸ್ಯಗಳಲ್ಲಿನ ಒಟ್ಟಾರೆ ಒತ್ತಡವನ್ನು ಕಡಿಮೆ ಮಾಡುವ ಮೂಲಕ ಆರೋಗ್ಯಕರ ಮತ್ತು ಬಲವಾದ ಕಾಂಡದ ಬೆಳವಣಿಗೆಯನ್ನು ಖಚಿತಪಡಿಸಿಕೊಳ್ಳಿ.
- ಕಾಂಡ ಕೊಳೆತದ ಇತಿಹಾಸವನ್ನು ಹೊಂದಿರುವ ಹೊಲಗಳಲ್ಲಿ ಸಸ್ಯದ ಸಂಖ್ಯೆಯನ್ನು ಎಕರೆಗೆ 28,000 ರಿಂದ 32,000 ಕ್ಕೆ ಮಿತಿಗೊಳಿಸಿ.
- ಸಾಲಿನ ನಡುವಿನ ಅಂತರ 70-90 ಸೆಂ.ಮೀ ಮತ್ತು ಸಸ್ಯಗಳ ನಡುವೆ 30-50 ಸೆಂ.ಮೀ.
- ಅಂತರ ಇರಲಿ.
- ನೀರಾವರಿ, ಕಳೆ ನಿಯಂತ್ರಣ ಮತ್ತು ಮಣ್ಣಿನ ಪೋಷಕಾಂಶಗಳ ಮಟ್ಟವನ್ನು ಎಚ್ಚರಿಕೆಯಿಂದ ನಿರ್ವಹಣೆ ಮಾಡಿ.
- ಸಸ್ಯಗಳನ್ನು ಎಚ್ಚರಿಕೆಯಿಂದ ಮೇಲ್ವಿಚಾರಣೆ ಮಾಡಿ ಮತ್ತು ಧಾನ್ಯದ ಮೇಲ್ಮೈಯಲ್ಲಿ ಬಿಳಿ ಗೆರೆಗಳು, ಎಳೆಯ ಎಲೆಗಳ ಹಳದಿ ಬಣ್ಣ ಮತ್ತು ಹೂಬಿಡುವ ಹಂತದಲ್ಲಿ ಬಾಡುವ ರೋಗಲಕ್ಷಣಗಳನ್ನು ಮತ್ತು ಮುಂದಿನ ಹಂತದಲ್ಲಿ ಸೋಂಕಿತ ಕಾಂಡದ ಕೆಂಪು ಕಂದು ಬಣ್ಣವನ್ನು ಗಮನಿಸಿ.
- ರೋಗಕಾರಕವನ್ನು ಹರಡುವ ಕಾರಣ ಕಾಂಡ ಕೊರಕವನ್ನು ನಿಯಂತ್ರಣದಲ್ಲಿ ಇರಿಸಿ.
- ಸಸ್ಯ ಬೆಳವಣಿಗೆಯ ನಂತರದ ಹಂತಗಳಲ್ಲಿ ಉತ್ತಮ ರಸಗೊಬ್ಬರ ನೀಡುವುದನ್ನು ಖಚಿತಪಡಿಸಿಕೊಳ್ಳಿ.
- ಸೋಂಕಿತ ಸಸ್ಯಗಳನ್ನು ತೆಗೆದುಹಾಕಿ ಮತ್ತು ಹೂತುಹಾಕಿ.
- ಸೋಂಕಿತ ಬೆಳೆ ಅವಶೇಷಗಳನ್ನು ಹೂಳಲು ಮಣ್ಣಿನ ಉಳುಮೆ ಮಾಡಿ.
- ಶೇಖರಣಾ ಸ್ಥಳಗಳನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸಿ.
- ಕಾಳುಗಳನ್ನು ಧಾನ್ಯವನ್ನು ಶೇಖರಿಸುವ ಮೊದಲು ತೇವಾಂಶವು 15% ಅಥವಾ ಅದಕ್ಕಿಂತ ಕಡಿಮೆ ಇರುವಂತೆ ನೋಡಿಕೊಳ್ಳಿ.
- ಕಡಿಮೆ ಆರ್ದ್ರತೆ ಮತ್ತು ಕಡಿಮೆ ತಾಪಮಾನದಲ್ಲಿ ಧಾನ್ಯಗಳನ್ನು ಸಂಗ್ರಹಿಸಿ.
- ದ್ವಿದಳ ಧಾನ್ಯಗಳೊಂದಿಗೆ ಮೂರು ವರ್ಷಗಳ ನಂತರ ಬೆಳೆ ಸರದಿ ಯೋಜಿಸಿ ಉದಾ.
- ಬೀನ್ಸ್ ಅಥವಾ ಸೋಯಾಬೀನ್.
ಶೇರ್ ಮಾಡು
ಪ್ಲಾಂಟಿಕ್ಸ್ ಡೌನ್‌ಲೋಡ್ ಮಾಡಿಕೊಳ್ಳಿ
