ಮಸೂರದ ಸ್ಟೆಂಫಿಲಿಯಮ್ ಅಂಗಮಾರಿ

ಅದಕ್ಕೆ ಏನು ಕಾರಣ

ಮಸೂರದ ಸ್ಟೆಂಫಿಲಿಯಮ್ ಅಂಗಮಾರಿಯು ಪ್ಲೆಸ್ಪೊರಾ ಹರ್ಬರಮ್ ಎಂಬ ಶಿಲೀಂಧ್ರದಿಂದ ಉಂಟಾಗುತ್ತದೆ. ಇದನ್ನು ಮೊದಲು ಸ್ಟೆಂಫಿಲಿಯಮ್ ಹರ್ಬರಮ್ ಎಂದು ಕರೆಯಲಾಗುತ್ತಿತ್ತು, ಇದರಿಂದಾಗಿ ಈ ರೋಗದ ಹೆಸರು ಬಂದಿದೆ. ಹೊಲದಲ್ಲಿನ ಬೀಜಗಳು ಅಥವಾ ಸಸ್ಯದ ಸೋಂಕಿತ ಅವಶೇಷಗಳ ಮೇಲೆ ಇವು ಬದುಕುಳಿಯುತ್ತದೆ ಎಂದು ಭಾವಿಸಲಾಗಿದೆ. ಮಸೂರದ ಹೊರತಾಗಿ, ಈ ಶಿಲೀಂಧ್ರವು ವ್ಯಾಪಕವಾದ ಇತರ ಅಗಲ ಎಲೆಯ ಸಸ್ಯಗಳಿಗೆ ಸೋಂಕು ತರುತ್ತದೆ. ಋತುವಿನ ಕೊನೆಯಲ್ಲಿ ಎಲೆಗಳ ತೇವದ ಅವಧಿಯು ದೀರ್ಘವಾಗಿರುವುದು ಈ ರೋಗದ ಬೆಳವಣಿಗೆಗೆ ಅವಶ್ಯಕವಾಗಿದೆ. ರೋಗಲಕ್ಷಣಗಳ ಸಂಭವ ಮತ್ತು ತೀವ್ರತೆಯು ತಾಪಮಾನವನ್ನು ಅವಲಂಬಿಸಿರುತ್ತದೆ. 22 -30 °C ವ್ಯಾಪ್ತಿಯು ಸೂಕ್ತವಾಗಿರುತ್ತದೆ. ಈ ಪರಿಸ್ಥಿತಿಗಳಲ್ಲಿ, ಸೋಂಕನ್ನು ಪ್ರಚೋದಿಸಲು 8 ರಿಂದ 12 ಗಂಟೆಗಳ ಎಲೆಗಳ ತೇವಾಂಶವು ಸಾಕಾಗುತ್ತದೆ. ಅಷ್ಟೇನೂ ಸೂಕ್ತವಲ್ಲದ ಪರಿಸ್ಥಿತಿಗಳಲ್ಲಿ, ಉದಾಹರಣೆಗೆ 15 ರಿಂದ 20 °C ವಾಯು ತಾಪಮಾನ ಇದ್ದಾಗ, ತೇವಾಂಶದ ಅವಧಿಯು ಗಣನೀಯವಾಗಿ ಹೆಚ್ಚಾಗಬೇಕಾಗುತ್ತದೆ (24 ಗಂಟೆ ಅಥವಾ ಹೆಚ್ಚು). ಹಳೆಯ ಸಸ್ಯಗಳು ಎಳೆಯ ಸಸ್ಯಗಳಿಗಿಂತ ಹೆಚ್ಚಾಗಿ ರೋಗಕ್ಕೆ ಒಳಗಾಗುವ ಸಾಧ್ಯತೆಯಿದೆ. ಅದರಲ್ಲೂ ವಿಶೇಷವಾಗಿ ಅವು ಸಾರಜನಕ ಒತ್ತಡದಲ್ಲಿದ್ದಾಗ.