ಈರುಳ್ಳಿಯ ಸ್ಟೆಂಫಿಲಿಯಮ್ ಎಲೆ ಅಂಗಮಾರಿ

ಅದಕ್ಕೆ ಏನು ಕಾರಣ

ಸ್ಟೆಮ್ಫಿಲಿಯಮ್ ಎಲೆ ಅಂಗಮಾರಿಯು ಪ್ಲೆಸ್ಪೊರಾ ಆಲ್ಲೈ ಎಂಬ ಶಿಲೀಂಧ್ರದಿಂದ ಉಂಟಾಗುತ್ತದೆ. ಇದನ್ನು ಮೊದಲು ಸ್ಟೆಂಫಿಲಿಯಮ್ ವೆಸಿಕೇರಿಯಮ್ ಎಂದು ಕರೆಯಲಾಗುತ್ತಿತ್ತು. ಹೀಗಾಗಿ, ರೋಗಕ್ಕೆ ಈ ಹೆಸರು ಬಂದಿದೆ. ಇದು ಸೋಂಕಿತ ಸಸ್ಯಗಳ ಅವಶೇಷಗಳ ಮೇಲೆ ಉಳಿದುಕೊಂಡಿರುತ್ತದೆ ಮತ್ತು ವಸಂತಕಾಲದಲ್ಲಿ ಅನುಕೂಲಕರ ಹವಾಮಾನ ಪರಿಸ್ಥಿತಿಗಳಲ್ಲಿ ಬೆಳವಣಿಗೆಯನ್ನು ಪುನರಾರಂಭಿಸುತ್ತದೆ. ನಂತರ ಅದು ಗಾಳಿಯ ಮೂಲಕ ಹತ್ತಿರದ ಸಸ್ಯಗಳಿಗೆ ಹರಡುವ ಬೀಜಕಗಳನ್ನು ಉತ್ಪಾದಿಸುತ್ತದೆ. ಇದು ಸಾಮಾನ್ಯವಾಗಿ ಎಲೆಗಳ ಸುಳಿ, ಹಿಂದಿನ ಕಾಯಿಲೆಗಳಿಂದ ಉಂಟಾದ ಗಾಯಗಳು ಅಥವಾ ಗಾಯಗೊಂಡ ಅಂಗಾಂಶಗಳಂತಹ (ಉದಾ. ಕೀಟಗಳು ಅಥವಾ ಆಲಿಕಲ್ಲುಗಳಿಂದ) ಸತ್ತ ಮತ್ತು ಸಾಯುತ್ತಿರುವ ಈರುಳ್ಳಿಯ ಅಂಗಾಂಶಗಳನ್ನು ಆಕ್ರಮಿಸುತ್ತದೆ. ದೀರ್ಘಕಾಲದ ಬೆಚ್ಚಗಿನ ಆರ್ದ್ರ ಪರಿಸ್ಥಿತಿಗಳು ರೋಗದ ಬೆಳವಣಿಗೆಯನ್ನು ಉತ್ತೇಜಿಸುತ್ತವೆ. ಹವಾಮಾನವು ಬೆಚ್ಚಗಿದ್ದರೆ (18 - 25 ° C) ಮತ್ತು ಎಲೆಗಳ ಮೇಲ್ಮೈ 24 ಗಂಟೆಗಳಿಗಿಂತ ಹೆಚ್ಚುಕಾಲ ತೇವವಾಗಿದ್ದರೆ ಆರೋಗ್ಯಕರ ಎಲೆಗಳ ಮೇಲೂ ಇವು ದಾಳಿ ಮಾಡಬಹುದು. ಸೋಂಕು ಸಾಮಾನ್ಯವಾಗಿ ಎಲೆಗಳಿಗೆ ಸೀಮಿತವಾಗಿರುತ್ತದೆ ಮತ್ತು ಗೆಡ್ಡೆ ಮೇಲೆ ಪರಿಣಾಮ ಬೀರುವುದಿಲ್ಲ. ಹಳೆಯ ಎಲೆಗಳು ಎಳೆಯ ಎಲೆಗಳಿಗಿಂತ ಹೆಚ್ಚು ಬೇಗ ರೋಗಕ್ಕೆ ಒಳಗಾಗುತ್ತವೆ.