ಹತ್ತಿಯ ಸೆರ್ಕೊಸ್ಪೋರಾ ಎಲೆಚುಕ್ಕಿ ರೋಗ (ಸೆರ್ಕೊಸ್ಪೋರಾ ಲೀಫ್ ಸ್ಪಾಟ್)

ಅದಕ್ಕೆ ಏನು ಕಾರಣ

ಹತ್ತಿಯ ಸಸಿಗಳನ್ನು ಆಕ್ರಮಿಸುವ, ಸರ್ಕೋಸ್ಪೊರಾ ಕುಟುಂಬದ ಮೈಕೋಸ್ಫೇರೆಲ್ಲಾ ಗೊಸ್ಸಿಪಿನಾ ಶಿಲೀಂಧ್ರದಿಂದ ಈ ರೋಗಲಕ್ಷಣಗಳು ಉಂಟಾಗುತ್ತವೆ. ಇವು ಸೋಯಾಬೀನ್ ಅಥವಾ ಮೆಣಸು ಮುಂತಾದ ಇತರ ಬೆಳೆಗಳ ಮೇಲೆ ಪರಿಣಾಮ ಬೀರುವ ಜೀವಿಗಳಿಗಿಂತ ವಿಭಿನ್ನವಾಗಿರುತ್ತವೆ. ಜಮೀನಿನಲ್ಲಿ ಇತರ ಎಲೆಯ ರೋಗಗಳಿಂದ- ಉದಾಹರಣೆಗೆ ಟಾರ್ಗೆಟ್ ಸ್ಪಾಟ್ - ಸೆರ್ಕೊಸ್ಪೊರಾ ಎಲೆಚುಕ್ಕಿಯನ್ನು ಪ್ರತ್ಯೇಕಿಸುವುದು ಕಷ್ಟ. ಆದಾಗ್ಯೂ, ಈ ರೋಗವು ನಿರ್ದಿಷ್ಟವಾಗಿ ಬರ / ಪೋಷಕಾಂಶದ ಕೊರತೆ (ಮುಖ್ಯವಾಗಿ ಪೊಟ್ಯಾಸಿಯಮ್) ಮುಂತಾದ ಒತ್ತಡಗಳಿಗೆ ಒಳಗಾಗಿರುವ ಹತ್ತಿ ಗಿಡಗಳಲ್ಲಿ ಕಂಡುಬರುತ್ತದೆ ಎಂಬುದು ಇದರ ವಿಶೇಷತೆಯಾಗಿದೆ. ಸೂಕ್ತ ರಸಗೊಬ್ಬರದ ಮೂಲಕ ಸಸ್ಯದ ಚಟುವಟಿಕೆಯನ್ನು ಕಾಪಾಡಿಕೊಳ್ಳುವುದು ಮತ್ತು ಸರಿಯಾದ ನೀರಾವರಿ ಮೂಲಕ ಬರದ ಒತ್ತಡ ತಡೆಯುವುದರಿಂದ ಪ್ರಾಥಮಿಕ ಸೋಂಕನ್ನು ಗಮನಾರ್ಹವಾಗಿ ವಿಳಂಬ ಮಾಡಬಹುದು. ಇದು ಸೋಂಕಿನ ತೀವ್ರತೆಯನ್ನು ಕೂಡ ಕಡಿಮೆ ಮಾಡುತ್ತದೆ. ಈ ರೋಗವು 20-30 °C ನಡುವಿನ ಉಷ್ಣತೆಯಲ್ಲಿ ಮತ್ತು ಹೆಚ್ಚು ಆರ್ದ್ರ ಹವಾಮಾನದಲ್ಲಿ ಅತಿಯಾಗಿರುತ್ತದೆ. ಗಾಳಿ ಮತ್ತು ನೀರಿನ ಸಿಂಪಡಿಕೆ ಮೂಲಕ ಬೀಜಕಗಳು ಆರೋಗ್ಯಕರ ಎಲೆಗಳ ಮೇಲೂ ಹರಡುತ್ತವೆ.