ಕುಕುರ್ಬಿಟ್ಸ್ ನ ಲೀಫ್ ಬ್ಲೈಟ್ (ಎಲೆ ರೋಗ)

ರೋಗಲಕ್ಷಣಗಳು

ರೋಗಲಕ್ಷಣಗಳು ಮೊದಲನೆಯದಾಗಿ ಸಸ್ಯದ ಮಧ್ಯ ಮತ್ತು ಮೇಲ್ಭಾಗದಲ್ಲಿರುವ ಹಳೆಯ ಎಲೆಗಳ ಮೇಲೆ ಸಣ್ಣ, ವೃತ್ತಾಕಾರದ, ಬಿಳಿಯ ಕೇಂದ್ರಗಳೊಂದಿಗೆ ತೆಳು ಕೆಂಚು ಬಣ್ಣದ ಕಲೆಗಳಾಗಿ ಕಂಡುಬರುತ್ತವೆ. ಈ ಕಲೆಗಳು ದೊಡ್ಡದಾಗುತ್ತ, ತಿಳಿ ಕಂದು ಬಣ್ಣಕ್ಕೆ ತಿರುಗಿ ಸ್ವಲ್ಪ ವಿರೂಪತೆಯನ್ನು ಉಂಟುಮಾಡುತ್ತವೆ. ಕಲೆಗಳೊಳಗಿರುವ ಸಣ್ಣ ಎಲೆ ಸಿರೆಗಳು ಗಾಢವಾಗುತ್ತವೆ. ಇದರಿಂದಾಗಿ ಎಲೆಗಳು ಬಲೆಯಂತೆ ಕಾಣಿಸಿಕೊಳ್ಳುತ್ತದೆ. ಕಾಲಾನಂತರದಲ್ಲಿ, ಕೇಂದ್ರೀಕೃತ ಉಂಗುರಗಳ ಬೆಳವಣಿಗೆಯು ಮೇಲಿನ ಎಲೆಯ ಮೇಲ್ಮೈಯಲ್ಲಿ ಮಾತ್ರ ಗೋಚರಿಸುತ್ತದೆ. ಇದರಿಂದಾಗಿ ಕಲೆಯು ಟಾರ್ಗೆಟ್ -ತರಹದ ನೋಟವನ್ನು ನೀಡುತ್ತದೆ. ಈ ವೃತ್ತಾಕಾರದ ಕಲೆಗಳು ಅಂತಿಮವಾಗಿ ಸಂಪೂರ್ಣ ಎಲೆಯನ್ನು ಆವರಿಸುತ್ತದೆ ಮತ್ತು ವಿಪರ್ಣನವನ್ನು ಉಂಟುಮಾಡಬಹುದು. ವೃತ್ತಾಕಾರದ, ಕಂದು ಗುಳಿಬಿದ್ದ ಗಾಯಗಳು ಸೋಂಕಿತ ಹಣ್ಣುಗಳ ಮೇಲೆ ಕಾಣಿಸಿಕೊಳ್ಳುತ್ತವೆ, ನಂತರ ಅದು ಆಲಿವ್- ಕಪ್ಪುಬಣ್ಣದ ಪುಡಿಯಿಂದ ಆವರಿಸುತ್ತದೆ. ಸುಗ್ಗಿ/ ಕಟಾವಿನಲ್ಲಿ ಗುರುತಿಸದ ಸೋಂಕಿತ ಹಣ್ಣು, ಶೇಖರಣೆಯ ಸಮಯದಲ್ಲಿ ಅಥವಾ ಸಾಗಣೆಯ ಸಮಯಗಳಲ್ಲಿ ನಷ್ಟವನ್ನು ಉಂಟುಮಾಡಬಹುದು. ಸಸ್ಯದ ಇತರ ಭಾಗಗಳ ಮೇಲೆ ನೇರವಾಗಿ ಪರಿಣಾಮ ಆಗುವುದಿಲ್ಲ.