ಕುಕುರ್ಬಿಟ್ಸ್ ನ ಅಂಥ್ರಾಕ್ನೋಸ್

ಅದಕ್ಕೆ ಏನು ಕಾರಣ

ಎಲೆಗಳು ಮತ್ತು ಹಣ್ಣುಗಳ ಮೇಲೆ ಕಂಡುಬರುವ ರೋಗಲಕ್ಷಣಗಳು ಗ್ಲೋಮೆರೆಲಾ ಲೆಜಿನೇರಿಯಮ್ ಶಿಲೀಂಧ್ರದಿಂದ ಉಂಟಾಗುತ್ತವೆ. ಇದು ಹಿಂದಿನ ಬೆಳೆಯ ರೋಗಪೀಡಿತ ಉಳಿಕೆಗಳಲ್ಲಿ ಚಳಿಗಾಲವನ್ನು ಕಳೆಯುತ್ತವೆ ಅಥವಾ ಕುಕುರ್ಬಿಟ್ ಬೀಜಗಳ ಮೂಲಕ ಹರಡಬಹುದು. ವಸಂತ ಋತುವಿನಲ್ಲಿ, ವಾತಾವರಣವು ಒದ್ದೆಯಾದಾಗ, ಶಿಲೀಂಧ್ರವು ವಾಯುಗಾಮಿ ಬೀಜಕಗಳನ್ನು ಬಿಡುಗಡೆ ಮಾಡುತ್ತದೆ ಮತ್ತು ಅದು ಮಣ್ಣಿನ ಹತ್ತಿರವಿರುವ ಎಲೆಗಳು ಮತ್ತು ಬಳ್ಳಿಗಳಿಗೆ ಸೋಂಕು ತರುತ್ತದೆ. ಶಿಲೀಂಧ್ರದ ಜೀವನ ಚಕ್ರವು ಸುತ್ತಲಿನ ಆರ್ದ್ರತೆ, ಎಲೆಯ ತೇವಾಂಶ ಮತ್ತು ಹೆಚ್ಚಿನ ಉಷ್ಣಾಂಶವನ್ನು ಅವಲಂಬಿಸಿರುತ್ತದೆ. 24 °ಸಿ ಯನ್ನು ಸೂಕ್ತ ತಾಪಮಾನ ಎಂದು ಪರಿಗಣಿಸಲಾಗುತ್ತದೆ. ತಾಪಮಾನ 4.4 °ಸಿ ಯ ಕೆಳಗೆ ಅಥವಾ 30 °ಸಿ ಕ್ಕೂ ಮೇಲಿದ್ದಾಗ ಅಥವಾ ತೇವಾಂಶ ಇಲ್ಲದಿದ್ದರೆ ಬೀಜಕಗಳು ಕುಡಿಯೊಡೆಯುವುದಿಲ್ಲ . ಇದಲ್ಲದೆ, ಫ್ರುಟಿಂಗ್ ಬಾಡಿಗಳಲ್ಲಿರುವ ಅವುಗಳ ಅಂಟುವ ಪದರಗಳಿಂದ ಬೀಜಕಗಳನ್ನು ಬಿಡುಗಡೆ ಮಾಡಲು, ರೋಗಕಾರಕ್ಕೆ ನೀರು ಬೇಕು. ಸಾಮಾನ್ಯವಾಗಿ ಸಸ್ಯದ ಮೇಲಾವರಣ ಬೆಳೆದ ನಂತರ ಮಧ್ಯ ಋತುವಿನಲ್ಲಿ ಆಂಥ್ರಾಕ್ನೋಸ್ ಏಕೆ ಕಂಡುಬರುತ್ತದೆ ಎಂಬುದನ್ನು ಇದು ವಿವರಿಸುತ್ತದೆ.