ಫೋಮೊಪ್ಸಿಸ್ ಕೇನ್ ಮತ್ತು ಎಲೆ ಚುಕ್ಕೆ ರೋಗ

ರೋಗಲಕ್ಷಣಗಳು

ಚಳಿಗಾಲದಲ್ಲಿ, ಸುಪ್ತಾವಸ್ಥೆಯಲ್ಲಿರುವ ಜಲ್ಲೆಗಳ ಮೇಲೆ ಸಣ್ಣ ಕಪ್ಪು ಕಲೆಗಳಿರುವ ಬಿಳುಚಿಕೊಂಡಿರುವ ಬಿಳಿ ಕಲೆಗಳು ಕಾಣಿಸಿಕೊಳ್ಳುತ್ತವೆ. ದೊಡ್ಡ ಹಳದಿ ಹೊರವೃತ್ತ ಇರುವ ಹಲವಾರು ಸಣ್ಣ, ಗಾಢ ಕಂದು ಬಣ್ಣದ ಚುಕ್ಕೆಗಳು ಚಿಗುರಿನ ಕೆಳ ಎಲೆಗಳಲ್ಲಿ ಕಾಣಿಸಿಕೊಳ್ಳುತ್ತವೆ. ಕಲೆಗಳ ಮಧ್ಯಭಾಗವು ಒಣಗಿ, ಬೀಳಬಹುದು. ಇದರಿಂದಾಗಿ ಗಾಯಗಳಿಗೆ ಶಾಟ್- ಹೋಲ್ಸ್ ಲಕ್ಷಣ ಕಾಣಿಸಿಕೊಳ್ಳುತ್ತವೆ. ತೀವ್ರವಾಗಿ ಸೋಂಕಿತ ಎಲೆಗಳು ತಿರುಚಿದಂತಾಗಿ, ಸುಲಭವಾಗಿ ಮತ್ತು ಅಕಾಲಿಕವಾಗಿ ಬೀಳಬಹುದು. ತೊಟ್ಟುಗಳು ಮತ್ತು ಚಿಗುರುಗಳ ಮೇಲೆ, ಕಂದು ಬಣ್ಣದಿಂದ ಕಪ್ಪು ಕಲೆಗಳು ಮೂಡಿ ಉದ್ದನೆಯ ಆಕಾರ ಪಡೆದುಕೊಳ್ಳುತ್ತವೆ ಅಥವಾ ಗೆರೆಗಳಾಗಿ ಬೆಳೆಯುತ್ತವೆ. ಇವು ಅನೇಕ ವೇಳೆ ಒಂದಾಗಿ ದೊಡ್ಡ ಕಪ್ಪು ಕಲೆಗಳನ್ನು ರೂಪಿಸುತ್ತವೆ. ಇವು ಅಂಗಾಂಶಗಳನ್ನು ಸುತ್ತುವರಿಯಬಹುದು ಅಥವಾ ವಿಭಜಿಸಬಹುದು. ಇದರಿಂದಾಗಿ ಚಿಗುರುಗಳು ವಿರೂಪಗೊಳ್ಳುತ್ತವೆ ಅಥವಾ ಸಾಯುತ್ತವೆ. ನಂತರದ ಅವಧಿಯಲ್ಲಿ, ಕಾಂಡಗಳು (ಪೆಡಂಕಲ್ಸ್) ಮತ್ತು ಹಣ್ಣುಗಳು ಸಹ ರೋಗಲಕ್ಷಣಗಳನ್ನು ತೋರಿಸಬಹುದು. ಮೇಲ್ಮೈ ಮೇಲೆ ಕಪ್ಪು ಚುಕ್ಕೆಗಳೊಂದಿಗೆ ಹಣ್ಣುಗಳು ಕಂದು ಬಣ್ಣಕ್ಕೆ ತಿರುಗಿ, ತೊಗಲಿನಂತಾಗುತ್ತವೆ (ಮಮ್ಮಿಫಿಕೇಷನ್). ಸೋಂಕಿಗೆ ಒಳಗಾದ ಕಾಂಡಗಳು ಬಾಡುತ್ತವೆ. ಇದರಿಂದಾಗಿ ಹಣ್ಣುಗಳು ಅಥವಾ ಸಂಪೂರ್ಣ ಗೊಂಚಲುಗಳು ಅಕಾಲಿಕವಾಗಿ ಉದುರುತ್ತವೆ.