دیگر
سیریل لیف بیٹل
Oulema melanopus
کیڑا
5 mins to read
لب لباب
- پتوں کے اوپری غلاف باریک، لمبی، سفید دھاریوں کی موجودگی۔
- اگر فاصلے سے دیکھا جائے تو متاثرہ کھیت مرجھایا ہوا اور پرانا معلوم ہو گا مگر عموماً نقصان اتنا سنگین نہیں ہوتا۔
دیگر
علامات
اس بیٹل کو اناج جیسے کہ جئی، جو اور رئی سے خصوصی لگاؤ ہوتا ہے مگر اس کا پسندیدہ میزبان گندم ہے۔ اس کے متبادل میزبانوں میں بھی کافی تنوع پایا جاتا ہے جیسے کہ مکئی، سرغو اور گھاس وغیرہ۔ اس کی سنڈی پتوں کے اوپری بیرونی غلاف کو غذا بناتی ہے اور پتے کے پورے حیاتی چکر کو اہم نقصان پہنچاتی ہے۔ ان کی غذائی عادات کی خاصیت نچلے خول تک پتے کی بافتوں کو ہٹا دینا، باریک، لمبے، سفید زخم کے نشان یا دھاریاں بنانا ہے جو ابتلاء کی صورت میں متعدد ہو سکتے ہیں۔ تاہم، بالغ بیٹل عموماً غذا حاصل کرتے ہوئے دوسرے پودوں یا کھیتوں میں ہجرت کر جاتے ہیں جس کا مطلب ہے کہ ایک کھیت میں سنگین نقصان ہونا کافی غیر معمولی ہے۔ فاصلے سے دیکھا جائے تو متاثرہ کھیت مرجھایا ہوا اور پرانا معلوم ہو سکتا ہے مگر نقصان عموماً پورے علاقے کے 40٪ سے زیادہ نہیں ہوتا۔ بیٹل کچھ اناج اگانے والے علاقوں میں اہم اور دائمی فصل کا کیڑا ثابت ہو سکتا ہے۔
Recommendations
نامیاتی کنٹرول
جنس اسٹینرنیما ک کے کئی نیماٹوڈز کی انواع مٹی میں سردیاں گزارتے ہوئے بالغان پر حملہ آور ہوتے پایا گیا ہے جس کی وجہ سے وہ بہار میں نسل پیدا نہیں کر پاتے۔ تاہم، ان کی افادیت درجہ حرارت کے لحاظ سے متغیر ہو سکتی ہے۔ کچھ پنبہ دوز انڈوں اور سنڈیوں کو بھی خوراک بناتے ہیں۔ ٹیکینڈ مکھی ہائلومائیڈز ٹرائینگیولیفر بالغان پر طفیلی حملہ کرتی ہے اور او۔ میلانوپس کی آبادیوں کو کنٹرول کرنے کیلئے کمرشل بنیادوں پر دستیاب ہے۔ سنڈیوں کو طفیلی بھڑوں ڈایاپارسز کارنیفر، لیموفیگس کرٹس اور ٹیٹراٹیکس جولس سے کنٹرول کیا جا سکتا ہے۔ بالآخر بھڑ اینافس فلیویپس انڈوں کو طفیلی طرز عمل پر خوراک بناتی ہے اور ایک اچھی کنٹرول ایجنٹ ہے۔
کیمیائی کنٹرول
اگر دستیاب ہو تو ہمیشہ بچاؤ کی تدابیر اور حیاتیاتی معالجات کے ساتھ ایک مکمل حکمت عملی اختیار کریں۔ گیما سائیلوتھرن کے فعال جزو پر مشتمل حشرات کش ادویات اس کیڑے کے خلاف سب سے زیادہ مؤثر ہیں کیونکہ یہ انڈوں اور سنڈیوں کو متاثر کرتی ہیں۔ اسپرے کرنا تب شروع کرنا چاہیئے جب بالغان اپنے انڈے دے رہے ہوں یا جب 50٪ سنڈیاں انڈوں سے نکل آئی ہوں۔ بے جا استعمال او۔ میلانوپس کی تعداد کو الٹا بڑھا سکتا ہے کیونکہ شکار خور بھی مارے جائیں گے۔ آرگینوفاسفیٹس (میلاتھیون) اور پائیرتھرائیڈز کو بھی او۔ میلانوپس کے خلاف استعمال کیا گیا ہے۔
یہ کس وجہ سے ہوا
نقصان بنیادی طور پر بیٹل اولیما میلانوپس کی سنڈی کی وجہ سے ہوتا ہے۔ بالغان تقریباً 5 ملی میٹر لمبے ہوتے ہیں اور ان کے گہرے نیلے پروں کے غلاف اور سرخ سر اور ٹانگیں ہوتی ہیں۔ یہ کھیت کے بیرونی حصے میں پھیل جاتے ہیں اور اپنے سردیاں گزارنے کے وقت کو محفوظ علاقوں جیسے کہ ہوا کی قطاروں، فصل کے چھلکوں اور درخت کی چھال کی دراڑوں میں گزارتے ہیں۔ یہ تب ظاہر ہوتے ہیں جب ماحولیاتی حالات بہار کے دوران تقریباً 10 ڈگری سینٹی گریڈ کے قریب درجہ حرارت پر بہتر ہو جاتے ہیں۔ گرم بہاریں اس کے حیاتی چکر کیلئے سازگار جبکہ سرد دورانیے رکاوٹ پیدا کرتے ہیں۔ ملاپ کے بعد، مادائیں چمکدار پیلے استوانہ نما انڈے پتوں کے نچلے حصے پر دینا شروع کر دیتی ہیں جو اکثر مرکزی نس کے ہمراہ ہوتے ہیں اور وہ ایسا کرنا ایک طویل عرصے تک جاری رکھتی ہیں (45 تا 60 دن تک)۔ سنڈیاں 7 تا 15 دن کے بعد انڈے سے نکلتی ہیں اور پتوں کے اوپری بیرونی غلاف کو غذا بنانا شروع کرتی ہیں جس سے شدید نقصان ہوتا ہے۔ یہ سفید یا پیلی، کوہان والی ہوتی ہیں اور ان کا سر سیاہ جبکہ چھ چھوٹی ٹانگیں ہوتی ہیں۔ غذا استعمال کرتے ہوئے 2 تا 3 ہفتوں کے بعد یہ بلوغت کو پہنچ جاتی ہیں، پیوپا میں تبدیل ہوتی ہیں اور 20 تا 25 دنوں میں بالغ بیٹلوں کو جنم دیتی ہیں جس کے بعد چکر دوبارہ شروع ہو جاتا ہے۔
احتیاطی تدابیر
- مزاحم انواع استعمال کریں۔
- اپنے علاقے یا پھر قومی سطح کے قرنطینی ضوابط چیک کریں۔
- ابتدائی بہار کے دوران کھیتوں کو باقاعدگی سے مانیٹر کریں جب درجہ حرارت زیادہ گرم ہوتا ہے۔
اشتراک کریں
پلانٹکس ڈاؤن لوڈ کریں
