దోసకాయ
దోసకాయలో గాలి వలన కలిగే నష్టం
Wind Damage on Cucumber
ఇతర
క్లుప్తంగా
- గాలి వలన మీ దోసపంటలో మొక్కల ఎదుగుదల, నిర్మాణం మరియు రూపంలో విభిన్న మార్పులు కలగవచ్చు.
- భౌతికంగా ఆకులు రాలిపోవడం, అధిక ఒత్తిడితో మొక్కలకు ఇసుక తగలడం వలన అవి వాడిపోవడం లాంటివి జరుగుతాయి.
- దీనివలన మొక్కలపైన కొట్టుకుపోయినట్టు అవ్వడం మరియు కణజాలం విడిపోవడం జరుగుతుంది.
- బాగా తీవ్రమైన పరిస్థితులలో చాలా తక్కువ మొత్తంలో పండ్లు ఏర్పడడం మరియు నాణ్యత ప్రభావితమై దిగుబడి తగ్గిపోవడం జరగవచ్చు.
లో కూడా చూడవచ్చు
దోసకాయ
లక్షణాలు
తీవ్రమైన కరువు పరిస్థితులలో పెరిగే మొక్కల లక్షణాలు ఈ గాలి వలన కలిగే నష్టం యొక్క లక్షణాలు ఒకే విధంగా ఉంటాయి. బలమైన గాలులు వీ స్తున్నప్పుడు అప్పుడే విత్తిన విత్తనాలు మట్టిలోనుండి పైకి వచ్చే అవకాశం ఉంది. కొత్తగా మొలకెత్తిన మొలకలు సాండ్ బ్లాస్టింగ్ వలన నష్టానికి గురవుతాయి. నిరంతర గాలి ఒత్తిడి వలన ముదురు మొక్కలలో ఆకులు వాడిపోయి కొన్నాళ్లకు ఎండిపోయి పెళుసుగా తయారవుతాయి. ఆకులు అంతర్నాళ క్లోరోసిస్ లక్షణాలను కలిగివుండి కొన్ని తీవ్రమైన పరిస్థితులలో చిన్న చిన్న ముక్కలుగా చింపబడినట్టుగా మారతాయి. ఇలా నిరంతరం గాలి ఒత్తిడికి గురికావడం వలన మొక్కల ఎదుగుదల తగ్గిపోతుంది. సీజన్లో తరువాత సమయంలో పువ్వులకు నష్టం కలగడం, పండ్లకు గాయాలు అవ్వడం వంటి లక్షణాలు కనపడతాయి. ఇలా దెబ్బతిన్న పండ్లపైన మొటిమల లాంటి మచ్చలు ఏర్పడడం వలన ఇవి అమ్మకానికి పనికిరావు. పువ్వులు సరిగా నిలబడకపోవడం వలన దిగుబడిలో నష్టం మరియు పండ్ల నాణ్యత తగ్గడం జరుగుతుంది.
సిఫార్సులు
సేంద్రీయ నియంత్రణ
గాలి వలన కలిగే నష్టాన్ని నివారించడానికి ఎటువంటి జీవ నియంత్రణ పద్దతి అందుబాటులో లేదు. పవన నిరోధకాలు ఏర్పాటు చేయడం వంటి నివారణా చర్యల ద్వారా ఈ నష్టం కలగకుండా నివారించవచ్చు.
రసాయన నియంత్రణ
వీలైనంతవరకు ఎల్లప్పుడూ నివారణా చర్యలతో కూడిన జీవపరమైన సమీకృత సమగ్ర సస్యరక్షణ విధానాన్నిపరిగణలోకి తీసుకోండి. పంటను కొనసాగించాలా వద్ద అన్నది నిర్ణయించడానికి పంటకు ఎంత నష్టం జరిగింది అన్నది తెలుసుకోవడం చాలా ముఖ్యం. ఎటువంటి చికిత్స చేయాలి అనేది పంట దశ పైన కూడా ఆధారపడివుంటుంది. తీవ్రమైన పరిస్థితులలో మొక్కలకు ఫంగల్ మరియు బ్యాక్టీరియల్ వ్యాధులు సంక్రమించకుండా చికిత్స పద్దతులను ఎంచుకోవాలి. ఉదాహరణకు దెబ్బతిన్న మొక్కల భాగాలను కత్తిరించడం మరియు శిలీంద్ర నాశినులు మరియు యాంటీ బ్యాక్టీరియల్ ఉత్పత్తుల వాడకం వంటివి.
దీనికి కారణమేమిటి?
ఈ లక్షణాలు గాలి వలన ఏర్పడతాయి. ముఖ్యంగా నిరంతరం బలమైన గాలులు వీచే ప్రాంతాలు మరియు పవన నిరోధకాలు లేని పొలాలలో ఈ లక్షణాలు కనపడతాయి. గాలిలోకి లేచిన ఇసుక రేణువులు మరియు కదులుతున్న కొమ్మల వలన ఈ నష్టం కలగవచ్చు. గాలి వేగం, మొక్కలు ఈ పరిస్థితిని ఎదుర్కున్న సమయం మరియు మొక్క ఎదుగుదల దశను బట్టి ఈ లక్షణాల తీవ్రత ఆధారపడి ఉంటుంది. ఇసుక నేలల్లో పండించే లేత దోస మొక్కలు ఈ నష్టానికి గురయ్యే అవకాశం అధికంగా ఉంటుంది. కొమ్మలు కదులుతూ ఉండడం వలన ఆకులపైన మరియు పండ్లపైన గాయాలు ఏర్పడతాయి. ఇలా దెబ్బతిన్నకణజాలంపైన బాక్టీరియా మరియు ఫంగి నివాసం ఏర్పరచుకుని వాటిని కుళ్లిపోయేటట్టు చేస్తాయి. మొక్కలు తిరిగి కోలుకోవడం అన్నది మొక్క ఎదిగే దశ, మట్టిలో తేమ మరియు వాతావరణం మీద కూడా ఆధారపడి వుంటుంది.
నివారణా చర్యలు
- గాలి వాటం, దిశ మరియు గాలి ఎంత తరుచుగా వీస్తుంది అనే దానినిబట్టి శాశ్వతమైన లేదా అవసరాన్ని బట్టి గాలి నిరోధకాలు ( చెట్లు) ఏర్పాటుచేయండి.
- పొలంలో పంట కన్నా ఎత్తుగా వుండే లేదా బాగా గుబురుగా వుండే చెట్లను వేయండి.
- ఇవే లక్షణాలు వున్న అంతర పంటలను పొలంలో వేయండి.
- గాలి తీవ్రత అధికంగా వున్నప్పుడు లేక వివిధ దిశలనుండి గాలి వీస్తున్నప్పుడు మీరు ఒకటి కన్నా అధికంగా ఈ గాలి నిరోధకాలను ఏర్పాటుచేసుకోవచ్చు.
- మొక్కలను సరైన రీతిలో కత్తిరించి గాలి వలన నష్టం కలగకుండా ప్లాన్ చేసుకోండి.
- అవసరమైతే నత్రజనిని అదనపు మోతాదులో వాడి కొత్తగా మొక్కలు వృద్ధిచెందేటట్టు కూడా చేయవచ్చు.
పంచుకోండి
ప్లాంటిక్స్‌ను డౌన్‌లోడ్ చేసుకోండి
