గంధకం లోపం

లక్షణాలు

గంధకం లోపం వున్న ఆకులు తరచూ మొదట పాలిపోయిన లేత ఆకుపచ్చ రంగులో ఉంటాయి, తర్వాత పసుపు-ఆకుపచ్చరంగు నుండి పూర్తి పసుపు రంగులోకి మారతాయి. కాండాలు తరుచుగా ఊదా రంగులోకి మారతాయి. ఈ లక్షణాలు, నత్రజని లోపం లక్షణాలు ఒకే విధంగా ఉంటాయి కాబట్టి మనం ఈ రెండింటి విషయంలో సులువుగా పొరబడవచు. అయితే, గంధకం లోపం విషయంలో అవి కొత్త, ఎగువ ఆకులలో మొట్టమొదట కనిపిస్తాయి. కొన్ని పంటలలో, ఈనెల మధ్య ప్రాంతం పాలిపోయిన రంగులోకి మారిపోతుంది లేదా ఆకు అంచుపై చుక్కలు కనపడడం జరుగుతుంది (గోధుమ మరియు బంగాళాదుంప). సాధారణంగా ఆకులు చిన్నగా వుండి సన్నగా పెరిగి నిర్జీవమైన కొనలను కలిగి ఉండవచ్చు. దూరం నుండి చూస్తే పొలంలోని ప్రభావిత ప్రాంతాలు లేత ఆకుపచ్చ లేదా ప్రకాశవంతమైన పసుపు రంగులో కనబడవచ్చు. పొడవైన నిరోధిత పెరుగుదలతో, కాండాలు సన్నగా పెరుగుతాయి. ఈ లోపం సీజన్ ప్రారంభంలో మొదలైతే మొక్క ఎదుగుదల కుంటుపడడం, పూత తగ్గడం మరియు పండ్లు/ధాన్యాలు ఆలస్యంగా పక్వానికి రావడం జరగవచ్చు. సల్ఫర్ తక్కువగా వుండే నేలలలో వేసిన మొలకలు సాధారణం కంటే అధికంగా చనిపోయే అవకాశం ఉంది.