చిరుధాన్యాలు
నత్రజని లోపం
Nitrogen Deficiency
లోపం
క్లుప్తంగా
- ఆకులు పాలిపోతాయి - పాలిపోయిన పచ్చరంగు, ఆకు కాడలు మరియు ఈనెలు లేత ఎరుపు రంగు లోకి మారతాయి.
- ఆకుల ఎదుగుదల మందగిస్తుంది.
- మొక్క సన్నగా ఎదుగుదల సరిగా లేనట్టు కనిపిస్తుంది.
చిరుధాన్యాలు
లక్షణాలు
ముదురు ఆకులలో మొదట ఈ లక్షణాలు కనబడి అనంతరం లేత ఆకులకు పాకుతాయి. వ్యాధి తీవ్రత తక్కువగా వున్నప్పుడు, ముదురు ఆకులు పాలిపోయిన ఆకుపచ్చ రంగులోనికి మారుతాయి. వెంటనే నివారణ చర్యలు చేపట్టకపోతే కొంతకాలానికి ఈనెలు మరియు ఆకు కాడలు రంగు కోల్పోయి (కొర్రోసిస్) పేలవమైన ఎరుపురంగు లోనికి మారుతాయి. ఈ లోపం పెరిగేకొద్దీ ఆకులు పసుపు-తెలుపు (ఈనెలతో సహా) రంగులోనికి మారి చుట్ట చుట్టుకొని రూపం మారిపోతాయి. లేత ఆకులు పాలిపోయిన ఆకుపచ్చ రంగులోనే ఉంటాయి కానీ సరిగా పెరగవు. కొమ్మలు తగ్గడం వల్ల మొక్కలు పొడవాటి, సన్నని రూపాన్ని కలిగి ఉంటాయి కాని వాటి ఎత్తు సాధారణంగానే ఉంటుంది. మొక్కలు నీటి ఎద్దడికి గురవుతాయి మరియు ఆకులు వాలిపోతాయి. మొక్కలు ముందుగానే చనిపోతాయి లేదా ఆకులు రాలిపోతాయి. దీనివలన దిగుబడి బాగా తగ్గిపోతుంది. నత్రజని ఎరువులు వేసిన కొన్ని రోజుల తరువాత రికవరీ సృష్టంగా కనిపిస్తుంది.
సిఫార్సులు
సేంద్రీయ నియంత్రణ
నేలలో అధిక స్థాయి సేంద్రీయ పదార్థం మట్టి నిర్మాణాన్ని మెరుగుపరుస్తుంది మరియు నీటిని, పోషకాలను నిలుపుటకు నేల యొక్క సామర్థ్యాన్ని పెంచుతుంది. పేడ, సేంద్రియ పదార్ధం, పీట్, లేదా నెట్టెల్ స్లాగ్, రెట్ట, హార్న్ మీల్, యూరియా గుళికలు అదనంగా వేయవచ్చు. నెట్టెల్ స్లాగ్ ను ఆకుల మీద నేరుగా పిచికారీ చేయవచ్చు.
రసాయన నియంత్రణ
- నత్రజని (N) కలిగిన ఎరువులను ఉపయోగించండి.
- ఉదాహరణ: యూరియా, ఎన్ పి కె, అమ్మోనియం నైట్రేట్ .
- మీ నేల మరియు పంటకు తగిన ఉత్పత్తి మరియు మోతాదును తెలుసుకోవడానికి మీ వ్యవసాయ సలహాదారుని సంప్రదించండి.
మరిన్ని సిఫార్సులు:
- పంట దిగుబడి మెరుగుపరుచుకోవడానికి పంట సీజన్ ప్రారంభానికి ముందు మట్టి పరీక్ష సిఫార్సు చేయబడింది.
- సీజన్ అంతా నత్రజనిని అనేక విడతలుగా వేయడం మంచిది.
- పంట కోత సమయానికి దగ్గరగా నత్రజనిని వాడవద్దు.
దీనికి కారణమేమిటి?
మొక్క ఏపుగా పెరుతున్న సమయంలో అధిక మోతాదులో నత్రజని అవసరం ఉంటుంది. అనుకూలమైన వాతావరణాల్లో వేగంగా పెరిగే పంటలకు ఈ దశల్లో నత్రజనిని సరైన మోతాదులో అందించడం వలన అవి ఏపుగా పెరిగి అత్యధిక గింజల ఉత్పత్తిని ఇవ్వగలవు. ముఖ్యంగా తక్కువ సేంద్రియ ఎరువు మరియు అధిక స్థాయిలో అమోనియా(NH3) కోల్పోయే నేలలైన ఇసుక నేలలు, ఆమ్ల సల్ఫేట్ లేదా చౌడు నేలలు, భాస్వర లోపం కలిగిన నేలలు, సరైన నీటిపారుదల లేని చిత్తడి నేలలు, క్షార లేదా సున్నపు నేలలు నత్రజని పీడిత నేలలు. తరచుగా వర్షం పడడం, వరదలు లేదా అధిక నీటిపారుదల నేలల్లో వుండే నత్రజనిని తుడిచి పెట్టుకుపోయే నేలలు నత్రజని లోపానికి కారణం అవుతాయి. కరువు ఒత్తిడి కాలం నీరు మరియు పోషకాలను శోషణ అడ్డుకోవడం ఫలితంగా అసమతుల్య పోషక సరఫరా జరుగుతుంది. చివరగా, మొక్కకు నత్రజని అందడంలో నేల పి హెచ్ కూడా ఒక ముఖ్యమైన భూమిక పోషిస్తుంది.తక్కువ లేదా అధిక నేల పి హెచ్, రెండూ మొక్క ద్వారా నత్రజనిని గ్రహించడాన్ని ప్రతికూలంగా ప్రభావితం చేస్తాయి.
నివారణా చర్యలు
- మీ పంట దిగుబడిని పెంచుకోవడానికి, మట్టి పి హెచ్ స్థాయిలను పరీక్షించి పంట సీజన్ ప్రారంభయ్యే ముందు పొలంలో సున్నం వేయండి.
- పొలంలో మంచి డ్రైనేజ్ వ్యవస్థను ఏర్పాటు చేయండి.
- అధికంగా నీరు పెట్టకండి.
- కరువు సమయంలో క్రమం తప్పకుండ నీరు పెట్టండి.
- కంపోస్ట్ నుండి సేంద్రియ పదార్ధాన్ని పొలంలో వేయండి ఉదాహరణకు పశువుల పెంట లేదా ఆకు చెత్త.
- ఆకు కాడల విశ్లేషణ ద్వారా పంటలో నత్రజని లోపం యొక్క ప్రారంభాన్ని సాగుదారులు గుర్తించవచ్చు.
పంచుకోండి
ప్లాంటిక్స్‌ను డౌన్‌లోడ్ చేసుకోండి
