మామిడిలో కాండం తొలుచు పురుగు

దీనికి కారణమేమిటి?

బాటోసెరా రుఫోమాక్యులాటా యొక్క లార్వా మరియు తర్వాతి దశ వల్ల నష్టం జరుగుతుంది. ఇవి 25-55 మిమీ పొడవు ఉండి పొడవైన యాంటెన్నా కలిగివుంటాయి. ఇవి రాత్రిపూట సంచరిస్తాయి. ఆడ పెంకు పురుగు దెబ్బతిన్న లేదా ఒత్తిడికి గురైన చెట్ల బెరడును కత్తిరించి ఆ ప్రాంతాల్లో గుడ్లు పెడుతుంది. ప్రత్యామ్నాయంగా, నేల కోతకు గురై బహిర్గతమైన వేర్లలో ఇవి గుడ్లు పెడతాయి. లార్వా, ప్రధాన కాండం, పెద్ద కొమ్మలు లేదా బహిర్గతమైన వేర్ల బెరడు కింద తింటాయి. తరువాతి లార్వా దశలో ఇవి కూడా చెక్కలోకి లోతుగా రంధ్రాలు చేసి అక్కడ ప్యూపా దశకు చేరుకుంటాయి. పెద్ద పురుగులు నిష్క్రమణ రంధ్రం నుండి బైటకి వచ్చి కొమ్మల బెరడు మరియు పెరుగుతున్న చిగుర్లను తింటాయి. పెద్ద పురుగులు 3-5 సెం.మీ. పొడవు ఉండి, బూడిద గోధుమ రంగులో, థొరాక్స్ కు రెండు ప్రక్కలా రెండు కిడ్నీ ఆకారంలో నారింజ-పసుపు మచ్చలు ఉంటాయి. పూర్తిగా పెరిగిన లార్వా ముదురు గోధుమ రంగు తలతో క్రీమ్ రంగులో ఉంటుంది మరియు 10 సెం.మీ పొడవు ఉంటుంది. లార్వా వృద్ధి చెందడానికి తరచుగా ఒక సంవత్సరానికి పైగా పడుతుంది. లార్వా, బెరడు పైపొర నుండి రంధ్రం చేస్తుంది మరియు వీటి పరిమాణం కారణంగా పెద్ద సొరంగాలు, ఆకులు మరియు పండ్ల ఉత్పత్తిని ప్రతికూలంగా ప్రభావితం చేస్తాయి. ఇవి కాండంలో ప్యూపా దశకు చేరుకుంటాయి. వేసవి చివరిలో పెద్ద పెంచు పురుగులు బైటకు వస్తాయి.ఇవి రాత్రిపూట సంచరిస్తాయి. ఇవి చాలా నెలలు జీవించగలవు మరియు ఎక్కువ దూరం ఎగరగలవు. దీనివలన ఇవి చెదిరిపోవడానికి వీలు కలుగుతుంది. ఈ తెగులు ఒక తరాన్ని మాత్రమే కలిగివుంటుంది.