ఇతరములు
ఓరియంటల్ పండు చిమ్మట
Grapholita molesta
కీటకం
క్లుప్తంగా
- అతిధి మొక్కల కొమ్మలు మరియు పండ్లపై లార్వా దాడి చేయడం వలన నష్టం జరుగుతుంది.
- తెగులు సోకిన కొమ్మల ఆకులు వాలిపోయి ఉంటాయి.
- ఇది రెమ్మల డైబ్యాక్ సంకేతం.
- పండ్లపై నిష్క్రమణ రంధ్రాలు కనిపిస్తాయి, వీటి చుట్టూ జిగురు వంటి ద్రవం, లార్వా యొక్క విసర్జన పదార్ధాలు ఉంటాయి.
- అవకాశవాద వ్యాధికారకాలు ఈ గాయాలపై నివాసం ఏర్పరచుకుంటాయి.
లో కూడా చూడవచ్చు
ఇతరములు
లక్షణాలు
కొమ్మలు, పండ్లపై లార్వా దాడి చేయడం వల్ల నష్టం జరుగుతుంది. చిన్న లార్వా పెరుగుతున్న రెమ్మలపై రంధ్రాలు చేసి క్రిందికి వెళ్లి అంతర్గత కణజాలాలను ఆహారంగా తింటుంది. తెగులు సోకిన కొమ్మల ఆకులు వాలిపోయి ఉంటాయి. ఇది రెమ్మల డైబ్యాక్ యొక్క సంకేతం. ఆకులు అధిక సంఖ్యలో ఎండిపోయి వాలిపోయినట్లైతే లార్వా మరింతగా లోపలకు చొచ్చుకుపోతుంది. చివరికి, కొమ్మలు ముదురు రంగులోకి మారుతాయి లేదా ఎండిన ఆకులు మరియు జిగురు వంటి స్రావాన్ని కలిగి ఉంటాయి. తరువాతి తరాల పురుగులు కాండం ద్వారా పండ్లలోకి ప్రవేశిస్తాయి మరియు, సాధారణంగా గుంతకు దగ్గరగా, పండ్ల కండ ద్వారా క్రమరహిత రంధ్రాలను చేస్తాయి. పండ్లపై నిష్క్రమణ రంధ్రాలు కనిపిస్తాయి, వీటి చుట్టూ జిగురు వంటి ద్రవం, లార్వా యొక్క విసర్జన పదార్ధాలు ఉంటాయి. అవకాశవాద వ్యాధికారకాలు ఈ గాయాలను నివాసంగా చేసుకుంటాయి. పండ్లు వైకల్యానికి గురయి తీవ్రంగా ప్రభావితమైనట్లయితే రాలిపోతాయి. సాధారణంగా, లార్వా ఒక పండు పైన మాత్రమే తినడమే కాక పండు నుండి తిరిగి కొమ్మలకు వెళ్లవు.
సిఫార్సులు
సేంద్రీయ నియంత్రణ
ట్రైకోగ్రామా జాతికి చెందిన అనేక పరాన్నజీవి కందిరీగలు మరియు బ్రాకోనిడ్ కందిరీగ మాక్రోసెంట్రస్ యాన్సిలివోరస్, ఓరియంటల్ పండ్ల చిమ్మటకు వ్యతిరేకంగా ఉపయోగించబడ్డాయి. ఫంగల్ మరియు బ్యాక్టీరియా వ్యాధికారక శ్రేణి, ఉదాహరణకు బ్యూవేరియా బాసియానా మరియు బాసిల్లస్ తురింగెన్సిస్ కూడా ప్రభావవంతంగా పనిచేస్తాయి. గుడ్లు లేదా లార్వా యొక్క వివిధ దశల ఇతర పరాన్నజీవుల గురించి తెలుసు కాని ప్రయోగాత్మకంగా ప్రయత్నించలేదు.
రసాయన నియంత్రణ
అందుబాటులో ఉంటే, వీలైనంతవరకు ఎల్లపుడూ జీవపరమైన మరియు నివారణ చర్యలతో కూడిన సమీకృత విధానాన్నిపరిగణలోకి తీసుకోండి. అప్లికేషన్ యొక్క సమయం ముఖ్యం అలాగే దీనిని ఉష్ణోగ్రత మరియు చిమ్మటల సంఖ్యను పర్యవేక్షించడం ద్వారా నిర్ణయించాలి. కొత్తగా పొదగబడిన లార్వాలను రసాయన నియంత్రణ లక్ష్యంగా చేసుకోగలదు, కాని జి. మోలెసాటా ఎగిరే సామర్థ్యం పొందిన సమయంలో ఈ రసాయనిక మందులు, సాధారణంగా, మరింత ప్రభావవంతంగా ఉంటాయి. పిచికారీ చేయడానికి వీలుపడే ఫెరోమోన్ల ఆధారిత సంభోగాన్ని విచ్చిన్నం చేసే కారకాలను కూడా ఉపయోగించవచ్చు.
దీనికి కారణమేమిటి?
పీచ్ మరియు నెక్టరిన్ ఓరియంటల్ పండ్ల చిమ్మట యొక్క ప్రాధమిక అతిధులు. అయితే ఇది ఇతర గింజ ఉండే పండ్లతో పాటు క్విన్స్, ఆపిల్, పియర్ మరియు గులాబీ మొక్కలపై కూడా దాడి చేస్తుంది. ఈ చిమ్మటలు బొగ్గు రంగులో ఉండి 5 మి.మీ వెడల్పు కలిగిన రెక్కలు కలిగి ఉంటాయి. ముందటి రెక్కలు బూడిదరంగులో ఉండి అస్పష్టమైన కాంతి మరియు ముదురు బ్యాండ్లను కలిగి ఉంటాయి. వసంత ఋతువులో ఉద్భవించిన తరువాత, ఆడ పురుగులు 200 చిన్న, చదునైన, తెల్లని గుడ్లను ఆకులు లేదా కొమ్మల దిగువ భాగంలో పెడతాయి. చిన్న లార్వా క్రీమీ-తెలుపు శరీరాన్ని కలిగి ఉంటుంది, తరువాత ఇది గులాబీ రంగులోకి మారుతుంది, సుమారు 8 నుండి 13 మిమీ పొడవు మరియు నలుపు నుండి గోధుమరంగు తల కలిగి ఉంటుంది. మొదటి తరం లార్వా ఎదుగుతున్న రెమ్మలలో ఒక ఆకు మొదలు వద్ద రంధ్రాలను చేస్తుంది. అక్కడ నుండి, ఇవి లోపల ఉన్న లేత కణజాలాలను తినడం మొదలు పెట్టి క్రిందికి కదులుతాయి. చివరికి కొమ్మ ఎండిపోయేటట్టు చేస్తాయి. తరువాతి తరాలు కాండం మొదలు వద్ద లేదా ప్రక్కనుండి ప్రవేశించి పండ్లపై దాడి చేస్తాయి. తరువాత, శీతాకాలంలో, ఇవి చెట్టు మొదలు వద్ద ఉన్న బెరడు లేదా ఆకు చెత్త వంటి రక్షిత ప్రదేశాలలో పట్టు వంటి గూళ్ళలో పూర్తిగా పెరిగిన లార్వాగా మనుగడ సాగిస్తాయి.
నివారణా చర్యలు
- వ్యాధి సంకేతాల కోసం తోటలను క్రమం తప్పకుండా గమనిస్తూ వుండండి.
- వసంత ఋతువు ప్రారంభంలో, పెద్ద పురుగుల జనాభాను పర్యవేక్షించడానికి లింగాకర్షక బుట్టలను ఉంచండి.
- కత్తిరించిన పదార్థాన్ని, చెట్టు మీద మిగిలిపోయిన అలాగే నేల పైన రాలిన పండ్లను తొలగించి నాశనం చేయండి.
పంచుకోండి
ప్లాంటిక్స్‌ను డౌన్‌లోడ్ చేసుకోండి
