పసుపు రంగు ద్రాక్ష నల్లి

దీనికి కారణమేమిటి?

పసుపు ద్రాక్ష నల్లి అయిన ఈటెట్రానిచస్ కార్పిని వలన వ్యాధి లక్షణాలు కలుగుతాయి. ఇవి తీగలు లేదా పీచ్ చెట్లు వంటి ముఖ్యమైన పంటలకు సోకుతాయి. ఆడ నల్లులు దీర్ఘచతురస్రాకార శరీరం కలిగి ఉంటాయి. వీటి రంగు లేత నుండి నిమ్మ పసుపు రంగు వరకు ఉంటుంది. శీతాకాలంలో ఇవి సమూహాలుగా కొమ్మల బెరడు క్రింద జీవిస్తాయి. మొదటి మొగ్గలు కనిపించినప్పుడు ఇవి బైటకు వచ్చి పది రోజుల వరకూ లేత ఆకులను తింటాయి. ఆ తరువాత ఆకుల కింది భాగంలో గోళాకారపు, అపారదర్శక గుడ్లను ఒక చక్కటి గీతతో పెట్టడం ప్రారంభిస్తాయి. చిన్న చిన్న క్రిములు అక్కడ పెద్ద మొత్తంలో గుంపులు గుంపులుగా కనిపిస్తాయి. ఇవి సన్నని సాలె గూడు ద్వారా రక్షించబడతాయి. ఇవి ఆకుల ద్వారా ఉత్పత్తి అయ్యే కణ ద్రవ్యాన్ని ఈనెల వెంబడి ఆహారంగా తీసుకుంటాయి. ఆడ పురుగుల ఆయురార్ధం (12 నుండి 30 రోజులు) మరియు తరాల సంఖ్య (5 నుండి 6) ఉష్ణోగ్రత మరియు ఆకుల స్థితిపై ఆధారపడి ఉంటుంది. వీటి పెరుగుదలకు సరైన ఉష్ణోగ్రత 23°C వరకు ఉంటుందని భావించబడుతుంది.