పొగాకు
వైల్డ్ ఫైర్
Pseudomonas syringae pv. tabaci
బ్యాక్టీరియా
క్లుప్తంగా
- ప్రధానంగా ఆకులపై గోధుమ రంగు, నిర్జీవమైన మచ్చలు ఏర్పడతాయి.
- ఈ మచ్చలు సాధారణంగా పసుపు వలయం కలిగి ఉంటాయి.
- ఈ వ్యాధి సోకిన ఆకులు వడలిపోవడం, పసుపు రంగులోకి మారడం మరియు రాలిపోవడం జరుగుతుంది.
- పంట ఎదుగుదల మందగిస్తుంది లేదా ఎదగదు.
లో కూడా చూడవచ్చు
పొగాకు
లక్షణాలు
లక్షణాలు త్వరగా వృద్ధి చెందుతాయి. ప్రధానంగా మచ్చలు ఆకులపై కనిపిస్తాయి కానీ కాండం, పువ్వులు మరియు పొగాకు పండ్ల క్యాప్సూల్స్‌పై కూడా కనిపిస్తాయి. ఈ మచ్చలు సాధారణంగా పసుపు వలయం కలిగి ఉంటాయి. మచ్చలు చిన్న, లేత-ఆకుపచ్చ వృత్తాకార ప్రాంతాలుగా ప్రారంభమవుతాయి, ఇవి నిర్జీవ కణజాలల కారణంగా మధ్యలో గోధుమ రంగులోకి మారవచ్చు. మచ్చలు ఒకదానిలో మరొకటి విలీనం కావచ్చు. ఈ తెగులు తీవ్రమైన సందర్భాల్లో దెబ్బతిన్న ఆకుల భాగాలు రాలి పడిపోతాయి మరియు ఆకు ఈనెలు మాత్రమే మిగిలి ఉంటాయి. నర్సరీలోని మొలకలతో సహా ఏ దశలోనైనా వైల్డ్ ఫైర్ పంటపై ప్రభావం చూపుతుంది.
సిఫార్సులు
సేంద్రీయ నియంత్రణ
వైల్డ్ ఫైర్ ని నియంత్రించడానికి ప్రత్యామ్నాయ ఎంపికలు, నివారణ చర్యలు మరియు పొలంలో మంచి సాగు పద్ధతులు పాటించడం.
రసాయన నియంత్రణ
వ్యాధికారక నియంత్రణలో మొక్కల పెరుగుదల ప్రారంభ దశల్లో బోర్డియక్స్ మిశ్రమం వంటి రాగి ఆధారిత రసాయనాలను ఉపయోగించడం జరుగుతుంది. వ్యవసాయంలో వినియోగించడానికి ఆమోదించబడిన ప్రాంతాల్లో, యాంటీబయాటిక్ స్ట్రెప్టోమైసిన్ ప్రత్యామ్నాయంగా వాడవచ్చు. కానీ ఈ పురుగు మందుకి బ్యాక్టీరియా నిరోధకతను వేగంగా వృద్ధి చేయగలదు. అందువలన బ్యాక్టీరియాపై స్ట్రెప్టోమైసిన్ యొక్క ప్రభావం తగ్గుతుంది . పురుగుమందులు లేదా ఏదైనా రసాయన ఉత్పత్తిని ఉపయోగిస్తున్నప్పుడు, రక్షణ దుస్తులను ధరించడం మరియు లేబుల్ సూచనలను జాగ్రత్తగా చదవడం చాలా ముఖ్యం. దేశాన్ని బట్టి నిబంధనలు మారుతూ ఉంటాయి, కాబట్టి మీరు మీ ప్రాంతానికి సంబంధించిన నిర్దిష్ట మార్గదర్శకాలను అనుసరించారని నిర్ధారించుకోండి. ఇది భద్రతకు హామీ ఇస్తుంది మరియు వీటిపై మందులు విజయవంతంగా పనిచేసే అవకాశాలను పెంచుతుంది.
దీనికి కారణమేమిటి?
ఈ వ్యాధిని కలిగించే బాక్టీరియం వెచ్చని మరియు తేమతో కూడిన పరిస్థితులలో వృద్ధి చెందుతుంది, తరచుగా, వర్షాల తర్వాత వ్యాపిస్తుంది. గాలివాటం బట్టి వ్యాధి వ్యాప్తి చెందుతుంది. స్ప్రింక్లర్లతో మొక్కలకు నీరు పెట్టడం వలన కూడా ఇదే విధంగా బాక్టీరియం వ్యాప్తి చెందుతుంది. మొక్కల్లో సహజసిద్ధంగా ఉండే రంధ్రాలు లేదా కీటకాలు చేసిన రంధ్రాల ద్వారా బాక్టీరియం పొగాకు మొక్కలలోకి ప్రవేశించవచ్చు. లోపలికి ప్రవేశించిన తర్వాత బాక్టీరియం పెరిగి మొక్క లోపల వ్యాపిస్తుంది. మొక్క కుళ్ళిపోయి చనిపోవడం ప్రారంభించినప్పుడు, బాక్టీరియం పర్యావరణంలోకి తిరిగి విడుదల చేయబడుతుంది. ఇక్కడ అది ఇతర మొక్కలకు సోకుతుంది లేదా రెండు సంవత్సరాల వరకు మట్టిలో జీవించి ఉంటుంది. తెగులు సోకిన మొక్కల వ్యర్థాలు, మట్టి లేదా వ్యవసాయ ఉపకరణాల ద్వారా కూడా బాక్టీరియం కొత్త ప్రాంతాలకు కూడా వెళ్లవచ్చు.
నివారణా చర్యలు
- ముందుగా బాక్టీరియంను పరిచయం చేసే రిస్క్ ని తగ్గించడానికి ఆరోగ్యకరమైన మొలకలను నాటండి.
- పొలాన్ని శుభ్రంగా ఉంచండి మరియు బాక్టీరియాను దాచే చెత్త లేకుండా ఉంచండి.
- అధిక తేమ స్థాయిలు వ్యాధికి అనుకూలంగా ఉన్నందున పంటలకు ఎక్కువ నీరు పెట్టడం మానుకోండి.
- కీటకాలు చేసిన కోతల ద్వారా బ్యాక్టీరియా వ్యాప్తి చెందే ప్రమాదాన్ని తగ్గించడానికి కీటకాల జనాభాను నియంత్రించండి.
- ముఖ్యంగా వర్షాలు కురిసిన తర్వాత, మీ పంటలను తరచుగా వ్యాధి సంకేతాల కోసం తనిఖీ చేయండి.
- ఆరోగ్యకరమైన మొక్కలకు బాక్టీరియం వ్యాప్తి చెందకుండా నిరోధించడానికి తెగులు సోకిన మొక్కల భాగాలను తొలగించి నాశనం చేయండి.
- మట్టిలో బ్యాక్టీరియా పేరుకుపోకుండా పంట మార్పిడి చేయండి.
- వ్యాధి ప్రబలిన తర్వాత కనీసం రెండు సంవత్సరాల పాటు అదే పొలంలో పొగాకును నాటవద్దు, ఇది బాక్టీరియం మట్టిలో ఉండకుండా చూసుకోవడంలో సహాయపడుతుంది.
పంచుకోండి
ప్లాంటిక్స్‌ను డౌన్‌లోడ్ చేసుకోండి
