మొక్కజొన్నలో బాక్టీరియల్ కాడ కుళ్ళు తెగులు (బ్యాక్టీరియల్ స్టాల్క్ రాట్)

దీనికి కారణమేమిటి?

బాక్టీరియం ఎర్వీన క్రిసాంతెమి వలన ఈ లక్షణాలు ఏర్పడుతాయి, ఇవి నేల పైభాగాన వుండే కాడల వ్యర్థాలలో పంట కోతలు అయిన తర్వాత కూడా నివసిస్తాయి అయితే ఇవి అక్కడ ఒక సంవత్సరం కంటే ఎక్కువ కాలం జీవించలేవు. విత్తనాల ద్వారా బాక్టీరియం వ్యాప్తి చెందినట్టు ఆధారాలు లేవు. 32-35°C ఉష్ణోగ్రతలు మరియు అధిక గాలిలో తేమ ఈ తెగులు వ్యాప్తికి అనుకూలం. తరచూ వర్షం పడడం మరియు తుంపర సేద్యంతో పైన నుండి పడే నీరు ఆకును చాలా సేపు తడిగా ఉంచుతుంది మరియు మొక్క లోపల నీటిని పేరుకు పోయేటట్లు చేస్తుంది. ఈ నీరు వేడెక్కి మొక్క కణజాలాన్ని నాశనం చేయగలదు. దానివలన చీలికలు ఏర్పడి దాని ద్వారా ఇన్ఫెక్షన్ మొదలు కావడం జరగవచ్చు. అధిక ఉష్ణోగ్రతలు లేదా అధిక నీరు పెట్టిన మొక్కలలో మొదట మొక్క మొదలు దగ్గర లక్షణాలు అభివృద్ధి అవుతాయి. సాగు నీరు ఈ తెగులుకు ప్రధాన మూలం అని ఓకే నమ్మకం వుంది. ఈ తెగులు ఇతర కణుపులకు కూడా తెగులు సోకేలా చేయడానికి మొక్క వెంబడి వ్యాప్తి చెందినప్పటికీ కీటక వాహకం ద్వారా తప్పితే చుట్టుపక్కల వున్న మొక్కలకు ఇది వ్యాపించదు.