బంగాళదుంప
బంగాళాదుంపలో బాక్టీరియా నల్ల పుల్ల తెగులు
Pectobacterium atrosepticum
బ్యాక్టీరియా
క్లుప్తంగా
- నీట నానిన మచ్చలు కాండాల మొదళ్ళలో కనిపిస్తాయి.
- తరువాత ఇవి మొక్క పైకి వ్యాపిస్తాయి.
- కాండాల అంతర్గత కణజాలాలు కుళ్లిపోయి నలుపు రంగులోకి మారుతాయి.
- దీని వల్ల నీరు మరియు పోషకాలు మొక్కలకు చేరవు.
- తెగులు సోకినా కాండం వంగిపోయి రంగు కోల్పోతుంది.
లో కూడా చూడవచ్చు
బంగాళదుంప
లక్షణాలు
నీటిలో నానినట్టు వుండే మచ్చలు కాండాల మొదళ్ళలో కనిపిస్తాయి. ఈ మచ్చలు తరువాత ఒక దగ్గరకు చేరి ముదురుగా మారి కాండాల పైకి చేరతాయి. కాండాల అంతర్గత కణజాలాలు కుళ్లిపోయి నలుపు రంగులోకి మారుతాయి. దీని వల్ల నీరు మరియు పోషకాలు మొక్కలకి చేరవు. ఈ తెగులు వ్యాపించి కాండాలపై ఆకులు ఎండిపోయి పసుపు రంగులోకి మారుతాయి. మొక్కలు పడిపోతాయి లేదా భూమిలోనుండి తేలికగా లాగితే పైకి వచ్చేలాగా అయిపోతాయి. ఈ తెగులు ఇంకా పెరిగేకొద్దీ మొక్క కాడలు నల్లగా మారి కుళ్లిపోతాయి.
సిఫార్సులు
సేంద్రీయ నియంత్రణ
ఈ బ్యాక్తీరియాకు జీవనియంత్రణ విధానం లేదు.
రసాయన నియంత్రణ
వీలైనంతవరకు ఎల్లపుడూ జీవపరమైన మరియు నివారణ చర్యలతో కూడిన సమీకృత సమగ్ర సస్యరక్షణ విధానాన్నిపరిగణలోకి తీసుకోండి. ఈ తెగులు వ్యాపించకుండా కాపర్ కాంపౌండ్స్ వాడవచ్చు. కానీ ఇవి వాతావరణానికి మరియు మనుషులకి హాని కలిగించవచ్చు.
దీనికి కారణమేమిటి?
విత్తన దుంపలు కుళ్లిపోవటంతో ఈ తెగులు మొదలవుతుంది. దీనికి తేమ కలిగిన వాతావరణం సహకరిస్తాయి. పొలంలో నీరు ఎక్కువగా నిలువ ఉండటం వల్ల కూడా ఇది వ్యాపిస్తుంది. ఈ బాక్టీరియా మొక్కల్లోకి కుళ్ళిన వేర్లు లేదా చనిపోయిన ఆకుల నుండి చేరుతుంది. పురుగుల వలన లేదా పనిముట్లవలన కలిగే దెబ్బల నుండి కూడా ఈ తెగులు వ్యాపిస్తాయి.
నివారణా చర్యలు
- ఆరోగ్యవంతమైన మొక్కల విత్తనాలు మాత్రమే వాడాలి.
- తెగులు నిరోధక వంగడాలు వాడటం మంచిది.
- దుంపను కోయకుండా మొత్తం దుంపను నాటాలి.
- ఉష్ణోగ్రతలు ౧౦ డిగ్రీల సెంటీగ్రేడ్ కన్నా తక్కువ ఉన్న భూమిలో నాటకూడదు.
- నత్రజని సమతుల్యం లో వాడాలి.
- పంట మార్పిడి చేపట్టాలి.
- పంట మునిగిపోకుండా నీటిపారుదల సరిగా ఉండాలి.
- తెగులు సోకిన మొక్కలను తొలగించాలి మరియు మొక్కలకి పొలంలో పని చేసే సమయం లో మొక్కలకు దెబ్బలు తగలకుండా చూడాలి.
- పరికరాలను శుద్ధి చేయాలి.
- కోత తరువాత పంట అవశేషాల్ని తొలగించి నాశనం చేయాలి మరియు పొలానికి సూర్యకిరణాలు చేరుకునేలా చెయ్యాలి.
- వాతావరణం వేడిగా వున్నా సమయాల్లోనే కోత కోయాలి మరియు వీటిని గాలి బాగా ఆడే ప్రదేశాల్లో నిలువ ఉంచాలి.
పంచుకోండి
ప్లాంటిక్స్‌ను డౌన్‌లోడ్ చేసుకోండి
