ప్రత్తి
శిలీంధ్ర కాయ కుళ్ళు తెగులు
Fusarium/Aspergillus/Phytophthora/Rhizopus/Diplodia
శీలీంధ్రం
క్లుప్తంగా
- కాయలు ముదురు రంగులోకి మారుతాయి మరియు మెత్తబడతాయి.
- దూది కాయలు ముందుగానే తెరుచుకుని రాలిపోతాయి.
లో కూడా చూడవచ్చు
ప్రత్తి
లక్షణాలు
పత్తిలో శిలీంధ్ర కాయ కుళ్ళు తెగులు లక్షణాల పురోగతి ద్వారా గుర్తించబడుతుంది. ప్రారంభంలో, లేత ఆకుపచ్చ ప్రతి కాయలపై చిన్న గోధుమ లేదా నల్ల మచ్చలు కనిపిస్తాయి, ఇవి మొత్తం కాయను కప్పి ఉంచేలా విస్తరిస్తాయి. ఈ తెగులును ప్రభావితమైన ముదురు గోధుమ రంగు నుండి నలుపు రంగులోకి మారి మృదువుగా ఉంటాయి మరియు నీటిలో నానబెట్టినట్లు కనిపిస్తాయి. వ్యాధి వృద్ధి చెందుతున్నప్పుడు, ఇది విత్తనాలు మరియు ప్రత్తిని కుళ్లిపోయేటట్టు చేస్తూ లోపలి కణజాలంలోకి చొచ్చుకుపోతుంది. తీవ్రమైన సందర్భాల్లో, కాయలు ముందుగానే తెరుచుకోవడానికి ఈ ఫంగస్ కారణమవుతుంది, ఫలితంగా మచ్చలు పడిన మరియు నాణ్యత క్షీణించిన ప్రత్తి ఫైబర్స్ ఏర్పడతాయి. తేమతో కూడిన పరిస్థితులలో, కాయలపై స్పష్టంగా కనిపించే శిలీంధ్రాల పెరుగుదల సంభవించవచ్చు.
సిఫార్సులు
సేంద్రీయ నియంత్రణ
కేవలం సేంద్రీయ మరియు జీవ పద్ధతులను ఉపయోగించి పత్తి కాయ తెగులును పూర్తిగా నియంత్రించడం సవాలుతో కూడుకున్నది. పరిశోధకులు ట్రైకోడెర్మా విరిడే వంటి ఎంపికలను అన్వేషిస్తున్నారు, అయితే ఇది వాణిజ్య ఉపయోగం కోసం ఇంకా అందుబాటులోకి రాలేదు.
రసాయన నియంత్రణ
వ్యాధి వ్యాప్తిని నిరోధించడానికి కాపర్ ఆక్సిక్లోరైడ్ మరియు మాంకోజెబ్‌లను ఆకులు మరియు విత్తనాలపై స్ప్రేలుగా ఉపయోగించడం ద్వారా ప్రారంభించండి. అలాగే, వివిధ వ్యాధికారక క్రిములతో పోరాడటానికి సస్పెన్షన్ గాఢతలో ఫ్లక్సాపైరోక్సాడ్ మరియు పైరాక్లోస్ట్రోబిన్ కలపండి. మీరు వ్యాధిని మొదటిసారిగా గమనించినప్పుడు ఈ మిశ్రమాన్ని వర్తించండి మరియు పూర్తి నియంత్రణ కోసం 15 రోజుల తర్వాత ఇదే చికిత్సను పునరావృతం చేయండి. పురుగుమందులు లేదా ఏదైనా రసాయన ఉత్పత్తిని ఉపయోగిస్తున్నప్పుడు, రక్షణ దుస్తులను ధరించడం మరియు లేబుల్ పై సూచనలను జాగ్రత్తగా చదవడం చాలా ముఖ్యం. దేశాన్ని బట్టి నిబంధనలు మారుతూ ఉంటాయి, కాబట్టి మీరు మీ ప్రాంతానికి సంబంధించిన నిర్దిష్ట మార్గదర్శకాలను అనుసరిస్తున్నారని నిర్ధారించుకోండి. ఇది భద్రతకు హామీ ఇస్తుంది మరియు మీరు ఈ మందులను విజయవంతంగా వాడే అవకాశాలను పెంచుతుంది.
దీనికి కారణమేమిటి?
మట్టి మరియు విత్తనాలలో వివిధ రకాల శిలీంధ్రాల వల్ల ప్రత్తి కాయ కుళ్ళు తెగులు సంభవిస్తుంది. ఎక్కువ నత్రజని, ఎక్కువ నీరు, వర్షం మరియు అధిక తేమ వంటి కారకాలు ఈ తెగులు సంభావ్యతను పెంచుతాయి. మొక్క అడుగు భాగంలోని తెరుచుకోని ప్రత్తి కాయల్లో ఈ వ్యాధి ఎక్కువగా ఉంటుంది మరియు సాధారణంగా విత్తిన 100 రోజుల తర్వాత కనిపిస్తుంది. తరచుగా, కాయపై కాయ తొలుచు పురుగు మరియు ఎర్ర ప్రత్తి పురుగు వంటి కీటకాలు చేసిన పగుళ్లు లేదా గాయాల ద్వారా శిలీంధ్రాలు మరియు బాక్టీరియా ప్రవేశిస్తాయి. శిలీంధ్రాల ద్వారా కాయలపై ఉత్పత్తి చేయబడిన శిలీంధ్ర బీజాంశాల ద్వారా కూడా ఈ వ్యాధి గాలిలో వ్యాపిస్తుంది.
నివారణా చర్యలు
- ఆరోగ్యకరమైన విత్తనాలను ఉపయోగించండి.
- నత్రజనిని అధికంగా వాడకండి మరియు పంటకు సకాలంలో సక్రమంగా నీరు అందించండి.
- ఆలస్యంగా విత్తడం మానుకోండి.
- మొక్కల మధ్య అధిక అంతరాన్నిఉంచండి.
- వర్షాకాలంలో ఈ తెగులు లక్షణాల కోసం మొక్కల దిగువ భాగంలో ఉన్న పరిపక్వము చెందిన కాయలను క్రమం తప్పకుండా తనిఖీ చేయండి.
- కాయ తొలుచు పురుగు మరియు ఎర్ర ప్రత్తి పురుగు వంటి కీటకాలను నియంత్రించడం దాని స్వంత ప్రాముఖ్యతను కలిగి ఉంటుంది కానీ ఈ విషయంలో కూడా వాటి నియంత్రణ చాలా ముఖ్యమైనది.
పంచుకోండి
ప్లాంటిక్స్‌ను డౌన్‌లోడ్ చేసుకోండి
