మొక్కజొన్న
మొక్కజొన్నలో గోధుమరంగు చారల డౌనీ బూజు తెగులు
Sclerophthora rayssiae var. zeae
శీలీంధ్రం
క్లుప్తంగా
- ఆకులపై పొడవైన పసుపు చారలు, ఆ తరువాత గోధుమ రంగు చారలు/గీతలు సంభవించడం జరుగుతుంది.
- ఆకుల దిగువ భాగంలో శిలీంధ్ర పెరుగుదల.
- ఆకులు ముందుగానే రాలిపోవడం జరుగుతుంది.
లో కూడా చూడవచ్చు
మొక్కజొన్న
లక్షణాలు
ప్రారంభ దశ లక్షణాలు దిగువ ఆకులపై మచ్చలు లేదా బొబ్బలుగా కనిపిస్తాయి, అవి కాలిపోయిన రూపాన్ని ఇస్తాయి. ఇవి పొడవుగా విస్తరిస్తాయి మరియు ఇరుకైన అంతర్నాళాల స్ట్రిప్పింగ్ (3-7 మిమీ)వలే కలిసిపోతాయి మరియు ఆకు పొడవుతా విస్తరించవచ్చు. ఈ పసుపు చారలు పసుపు-టాన్ నుండి ఊదా రంగులోకి మారతాయి మరియు చివరికి గోధుమ రంగులోకి మారతాయి. క్రింది ఆకులపై సన్నని క్లోరోసిస్ లేదా పసుపు చారలు వృద్ధి చెందడం ప్రారంభిస్తాయి. 3-7 మిమీ వెడల్పుతో బాగా స్పష్టమైన అంచులతో ఉంటాయి మరియు ఈనెల ద్వారా వేరు చేయబడతాయి. అధిక తేమ పరిస్థితులలో, బూడిద-తెలుపు బూజు పెరుగుదల ఆకుల దిగువ భాగంలో కనిపిస్తుంది. ఆకు ఈనెలు ప్రభావితం కావు కాబట్టి లామినా ముక్కలు అవ్వడం అసాధారణం. తెగులు తీవ్రత అధికంగా వున్నప్పుడు మాత్రమే ఆకులు ముక్కలు ముక్కలుగా అయిపోతాయి. ఆకులు ముందుగానే రాలిపోవడం, కంకి ఆవిర్భావం అణచివేయబడడం వ్యాధి యొక్క తరువాతి దశల లక్షణాలు. క్రేజీ టాప్ వ్యాధికి విరుద్ధంగా, ఆకులు వైకల్యం చెందడం, స్టంటింగ్ లేదా ఆకు గట్టిపడటం వంటి బూజు తెగులు లక్షణాలు ఏర్పడవు. గింజల అభివృద్ధి అణచివేయబడవచ్చు మరియు పుష్పించే ముందు మచ్చలు ఏర్పడితే మొక్క చనిపోవచ్చు.
సిఫార్సులు
సేంద్రీయ నియంత్రణ
ఈ రోజు వరకు, ఈ తెగులు కోసం జీవ నియంత్రణ పద్ధతులు ఏవీ ప్రభావవంతంగా పనిచేయలేదు.
రసాయన నియంత్రణ
అందుబాటులో ఉంటే, వీలైనంతవరకు ఎల్లప్పుడూ జీవపరమైన మరియు నివారణా చర్యలతో కూడిన సమీకృత విధానాన్నిపరిగణలోకి తీసుకోండి. మీ మొక్కలు కలుషితం కాకుండా నివారించడానికి రక్షక శిలీంధ్ర నాశినులు సహాయపడతాయి. విత్తనాలను ఎసిలాలనైన్ శిలీంద్ర సంహారిణి మెటలాక్సిల్‌తో చికిత్స చేయండి, తరువాత నాటిన 30 రోజులకు ఆకులపై పిచికారీ చేయాలి. నివారణ మరియు రక్షక దైహిక పద్ధతిలో మెఫెనోక్సామ్ ఉపయోగించబడుతుంది.
దీనికి కారణమేమిటి?
స్క్లెరోఫ్థోరా రేసియా వర్ జేయ అనే ఫంగస్ వలన లక్షణాలు ఏర్పడతాయి. మరియు తరచూ వర్షపాతం (100 సెం.మీ వార్షిక వర్షపాతం) మరియు వెచ్చని ఉష్ణోగ్రతలు (22-25°C) ఉన్న ప్రాంతాలలో ఇవి చాలా వినాశకరమైనవి. ఈ వ్యాధికి పంట పందిరిలో అధిక స్థాయి తేమ అవసరం. గాలి ద్వారా ఎగిరిన తెగులు సోకిన ఆకు అవశేషాల ద్వారా, అంటుకోవడం, విత్తన కాలుష్యం మరియు వర్షపు తుంపర్ల ద్వారా వ్యాప్తి జరుగుతుంది. జూస్పోర్స్ కోసం, సరైన వృద్ధి పరిస్థితులు 18-30°C వద్ద ఉంటాయి. జూస్పోర్స్ రూపంలో ఈ వ్యాధికారక సూక్ష్మ జీవులు మట్టిలో 3 సంవత్సరాల వరకు జీవించగలదు.
నివారణా చర్యలు
- అందుబాటులో ఉంటే నిరోధక రకాలు లేదా సంకరజాతులను ఎంచుకోండి.
- నాటడానికి ముందు, విత్తనాలను ఎండబెట్టడం ద్వారా తేమను 14% కి తగ్గించి, బూజు తెగులు సంభవించడాన్ని తగ్గించడానికి చాలా నెలలు వాటిని నిల్వ చేయండి.
- మొక్కల మధ్య మంచి అంతరాన్ని పాటించండి.
- పొలంలో మరియు చుట్టుపక్కల కలుపు మొక్కలను నియంత్రించండి.
- పొలం నుండి మొక్కల అవశేషాలను తొలగించండి.
- ఉపకరణాలు మరియు పరికరాలను శుభ్రంగా ఉంచండి.
- తెగులు సోకిన నేల మరియు మొక్కల పదార్థాల పంపిణీని నివారించండి.
- ఎస్.
- రేస్సియా వర్ జేయ యొక్క ఇతర అతిధి మొక్కలు అంటే క్రాబ్‌గ్రాస్, జొన్న మరియు చెరకు.
- ప్రారంభ దశలో తెగులు సోకిన మొక్కలను తొలగించండి.
పంచుకోండి
ప్లాంటిక్స్‌ను డౌన్‌లోడ్ చేసుకోండి
