సోయాబీన్
సోయాబీన్ లో కాండం ఎండు తెగులు
Diaporthe phaseolorum var. sojae
శీలీంధ్రం
క్లుప్తంగా
- కాండం, కాడలు మరియు కాయలపై వరుస ముదురు మచ్చలు ఏర్పడతాయి.
- విత్తనాల నాణ్యత తగ్గుతుంది.
- విత్తన ఉపరితలంపై తెల్లని సుద్ద లాంటి అచ్చు.
లో కూడా చూడవచ్చు
సోయాబీన్
లక్షణాలు
కాండం ఎండు తెగులు యొక్క అత్యంత గుర్తించదగిన లక్షణం పిక్నిడియా ఉనికి (శీలింధ్రాల ఫలాలు). ఇవి సీజన్ చివర్లో తెగులు సోకిన కాండం, కాయలు మరియు రాలిపోయిన ఆకు కాడలపై వరుసలలో చిన్న చిన్న, నల్లని వుబ్బెతైన చుక్కలుగా ఏర్పడతాయి. తెగులు సోకిన మొక్కల పైభాగాలు పసుపు రంగులోకి మారి చనిపోవచ్చు. కాండం ఎండు తెగలు ప్రభావానికి గురైన గింజలు తరచుగా పగిలిపోతాయి. ముడుతలు పడి నిస్తేజంగా ఉండి బూడిద అచ్చుతో కప్పబడి ఉండవచ్చు. తెగులు సోకిన మొక్కల భాగాలు ముందుగానే చనిపోవచ్చు.
సిఫార్సులు
సేంద్రీయ నియంత్రణ
ఈ తెగులుకు సమర్థవంతమైన జీవ నియంత్రణ పద్ధతి అందుబాటులో లేదు. సంక్రమణ లేదా లక్షణాల తీవ్రతను తగ్గించడానికి ఏదైనా విజయవంతమైన పద్ధతి మీకు తెలిస్తే, దయచేసి మాకు తెలియచేయండి.
రసాయన నియంత్రణ
అందుబాటులో ఉంటే, వీలైనంతవరకు ఎల్లపుడూ జీవపరమైన మరియు నివారణ చర్యలతో కూడిన సమీకృత విధానాన్నిపరిగణలోకి తీసుకోండి. గింజ ఏర్పడే ప్రారంభ సమయంలో ఆకుల పిచికారీ శిలీంద్ర నాశినులను వాడినట్లైతే అవి గింజల నాణ్యత కాపాడతాయి. కాయ తయారవ్వడం మొదలైనప్పట్నుండి కాయ చివరి దశ వరకు వర్తించే శిలీంద్ర నాశినులను వాడినట్లైతే అవి విధానాలకు ఈ తెగులు సంక్రమణను తగ్గిస్తాయి. తెగులు సోకిన విత్తనాలను విత్తడానికి ముందు (బెనోమిల్ వంటి శిలీంద్ర నాశినులతో) చికిత్స చేయాలి.
దీనికి కారణమేమిటి?
డయాపోర్తే ఫసియోలోరం యొక్క శిలీంధ్ర జాతుల వలన కాండం ఎండు తెగులు సంభవిస్తుంది, తరచుగా దీనిని ఫోమోప్సిస్ సోజే అని కూడా పిలుస్తారు. తెగులు సోకిన విత్తనాలు మరియు పంట అవశేషాలు రెండింటిలోనూ శీతాకాలంలో శిలీంధ్రాలు జీవించి ఉంటాయి. తెగులు సోకిన గింజలు ముడతలు పడి, పగుళ్లు ఏర్పడతాయి మరియు తెలుపు మైసిలియంతో కప్పబడి ఉంటాయి. తీవ్రంగా సోకిన విత్తనం మొలకెత్తకపోవచ్చు. కాయ అభివృద్ధి మరియు పరిపక్వత సమయంలో సుదీర్ఘమైన వెచ్చని, తడి వాతావరణం కాయ నుండి విత్తనాల వరకు వ్యాధి వ్యాప్తికి అనుకూలంగా ఉంటుంది. చాలా తడి పరిస్థితులుకాయ నిండే దశలలో కాండం ఇన్ఫెక్షన్లకు అనుకూలంగా ఉంటాయి. వ్యాధికారక గణనీయమైన దిగుబడి నష్టాలను కలిగిస్తుంది మరియు విత్తనాల నాణ్యతను తగ్గిస్తుంది.
నివారణా చర్యలు
- అధిక నాణ్యత కలిగిన చీడపీడలు లేని విత్తనాలను వాడండి.
- గతంలో కాండం ఎండు తెగులు సోకిన పొలంలో సోయాబీన్ నాటకండి.
- కాండం ఎండు తెగులు ఉనికి కోసం కాయ తయారవుతున్న దశ నుండి పంట కోతకు వచ్చే పరిపక్వ దశ వరకు ప్రతి రెండు వారాలకు ఒక సారి మొక్కలను పరిశీలించండి.
- మీ పొలాన్ని వెల్వెట్ ఆకు తెగులు మరియు ముళ్ళ తోటకూర వంటి ప్రత్యామ్నాయ అతిధి కలుపు మొక్కల నుండి దూరంగా ఉంచండి.
- పంట కోత ఆలస్యం చేసినట్లయితే చల్లని తడి వాతావరణానికి మొక్కలు బహిర్గతమై ఎండు తెగులు వచ్చే అవకాశం అధికంగా ఉంటుంది.
- సరైన సమయంలో పంట కోయడం మరియు పొలాన్ని సరిగా దున్నడం వలన ఐనోక్యులమ్ ను తగ్గించవచ్చు.
- మొక్క జొన్న లేదా గోధుమ వంటి ఈ తెగులు సోకని పంటలతో పంట మార్పిడి చేయండి.
పంచుకోండి
ప్లాంటిక్స్‌ను డౌన్‌లోడ్ చేసుకోండి
