గోధుమ
ఆల్ట్రనేరియా ఆకు ఎండు తెగులు
Alternaria triticina
శీలీంధ్రం
క్లుప్తంగా
- గోధుమ మొక్కలు 7-8 వారాల వయస్సులో ఉన్నప్పుడు ఈ తెగులు కనిపిస్తుంది.
- పంట పరిపక్వమైనప్పుడు పరిస్థితి తీవ్రంగా మారుతుంది.
- చిన్న, కోలాకారపు, రంగు పాలిపోయిన సక్రమంగా లేని గాయాలు ఆకులపై చెల్లాచెదురుగా కనిపిస్తాయి.
- ఈ మచ్చలు విస్తరించినప్పుడు, అవి ముదురు గోధుమ నుండి బూడిద రంగులోకి మరియు సక్రమంగా లేని ఆకారంలోకి మారతాయి.
- చివరికి ఆకులు ఎండిపోతాయి.
లో కూడా చూడవచ్చు
గోధుమ
లక్షణాలు
చిన్న మొక్కలు వ్యాధికారక నిరోధకతను కలిగి ఉంటాయి. మొక్కకి క్రింది భాగంలో వున్న ఆకులకు దిగువ ఆకులు ఎల్లప్పుడూ ముందుగా ఈ తెగులు లక్షణాలను బహిర్గతపరుస్తాయి. ఇది క్రమంగా ఎగువ ఆకులకు వ్యాపిస్తుంది. ఏ తెగులు చిన్న, కోలాకారపు, రంగు కోల్పోయిన మచ్చలుగా మొదలవుతుంది, ఇవి దిగువ ఆకులపై ఒక క్రమ పద్దతిలో లేకుండా చెల్లాచెదురుగా ఉంటాయి, క్రమంగా ఎగువ ఆకులకు వ్యాపిస్తాయి. కాలక్రమేణా ఈ మచ్చలు పెదవి అయ్యి ఒక క్రమ పద్దతిలో లేని ముదురు గోధుమ లేదా బూడిద పల్లపు మచ్చలుగా వృద్ధి చెందుతాయి. ఇవి ప్రకాశవంతమైన పసుపు అంచులను కలిగి ఉండవచ్చు మరియు 1 సెం.మీ లేదా అంతకంటే ఎక్కువ వ్యాసం వరకు పెరుగుతాయి. తేమతో కూడిన పరిస్థితులలో, నల్లటి కోనిడియా పొడితో కప్పబడి ఉండవచ్చు. ఈ తెగులు తరువాతి దశలలో ఈ మచ్చలు ఒకదానితో ఇంకొకటి కలిసిపోతాయి. ఫలితంగా మొత్తం ఆకు చనిపోతుంది. ఈ తెగులు తీవ్రమైన సందర్భాల్లో, ఆకు తొడుగులు, ఈకలు మరియు పై రేకలు కూడా ప్రభావితమవుతాయి మరియు కాలిపోయినట్టు ఉంటాయి.
సిఫార్సులు
సేంద్రీయ నియంత్రణ
ఒక కిలో విత్తనాలకు @ 2.5 గ్రాముల విటావాక్స్ తో శుద్ధి చేయడం ద్వారా విత్తనాల ద్వారా జరిగే తెగులు సంక్రమణలను నియంత్రించవచ్చు. ట్రైకోడెర్మా విరిడే మరియు విటావాక్స్ మిశ్రమం తెగుళ్ల వ్యాప్తిని మరింత సమర్థవంతంగా అడ్డుకుంటుంది (98.4% వరకూ). మొదటి మరియు రెండవ స్ప్రేలలో 2-3% యూరియాను జినెబ్‌తో కలపండి. సజల వేప ఆకు సారాలను ఉపయోగించండి. విత్తనాల ద్వారా వ్యాప్తి చెందే ఐనోక్యులమ్ తగ్గించడానికి శిలీంద్ర నాశినులు మరియు వేడి నీటి చికిత్సలు ఉపయోగించబడుతున్నాయి. తెగులు మరింత వ్యాపించకుండా నియంత్రించడానికి ట్రైకోడెర్మా విరిడే (2%) మరియు టి. హర్జియనం (2%), ఆస్పెర్‌గిల్లస్ హ్యూమికోలా మరియు బాసిల్లస్ సబ్టిలిస్‌లను తరచుగా ఉపయోగిస్తున్నారు.
రసాయన నియంత్రణ
వీలైనంతవరకు ఎల్లపుడూ జీవపరమైన మరియు నివారణ చర్యలతో కూడిన సమీకృత విధానాన్నిపరిగణలోకి తీసుకోండి. A. ట్రిటిసినాను శిలీంద్ర నాశినులను ఉపయోగించడం ద్వారా 75% వరకూ వ్యాధి తీవ్రతను తగ్గించడంతో పాటు పంట దిగుబడిని పెంచవచ్చు. మాంకోజెబ్, జిరామ్, జినెబ్ (0.2%), థైరామ్, ఫైటోలాన్, ప్రొపినెబ్, క్లోరోథలోనిల్ మరియు నాబామ్, ప్రొపికోనజోల్ (0.15%), టెబుకోనజోల్ మరియు హెక్సాకోనజోల్ (0.5%) వంటి శిలీంద్ర నాశినులను ఉపయోగించండి. మాంకోజెబ్‌కు ఈ తెగులు నిరోధకత పెరగకుండా నిరోధించడానికి, శిలీంద్ర నాశినుల మిశ్రమాలను ఉపయోగించండి.
దీనికి కారణమేమిటి?
ఆల్టర్నేరియా ట్రిటిసినా అనే ఫంగస్ వల్ల ఈ నష్టం జరుగుతుంది. ఇన్ఫెక్షన్ మట్టి ద్వారా మరియు విత్తనం ద్వారా వ్యాపిస్తుంది. ఈ తెగులు సోకిన విత్తనాలు ఆరోగ్యకరమైన వాటి కంటే చిన్నవిగా ఉంటాయి మరియు కుంచించుకుపోయి తరచూ గోధుమ రంగులోకి మారుతాయి. ఈ తెగులు సోకిన నేలల్లో నాటినప్పుడు లేదా సోకిన పంట అవశేషాలతో (ఉదా., వర్షపు తుంపర్ల వలన లేదా ప్రత్యక్ష ప్రత్యక్షంగా అంటుకోవడం వలన ) మొక్కలు ప్రభావితమవుతాయి. వేసవిలో, ఈ ఫంగస్ రెండు నెలల వరకూ మట్టి పైన తెగులు సోకిన పంట అవశేషాలలో జీవించి ఉంటుంది మరియు కప్పబడివున్న పంట అవశేషాలలో నాలుగు నెలల వరకూ జీవించి ఉంటుంది. నాలుగు వారాల కంటే తక్కువ వయస్సు గల చిన్న గోధుమ మొలకలకు ఈ ఎ. ట్రిటిసినా సంక్రమించలేకపోవడం వలన మొక్కల వయసు పెరగడంతో పాటూ ఈ తెగులు సంక్రమించే అవకాశాలు పెరుగుతాయి. మొక్కలు ఏడు వారాల వయస్సు వచ్చేవరకు సాధారణంగా లక్షణాలు కనిపించవు. 20-25° C ఉష్ణోగ్రతలు ఈ తెగులు సంక్రమించడానికి మరియు వృద్ధి చెందడానికి అనుకూలంగా ఉంటాయి. ఈ తెగులు తీవ్రత అధికంగా వున్నప్పుడు పంట దిగుబడి నష్టాలు 80% మించి ఉండవచ్చు.
నివారణా చర్యలు
- ధృవీకరించబడిన వనరుల నుండి ఈ తెగులు తక్కువగా సంక్రమించే అవకాశం వున్న రకాలు మరియు ఆరోగ్యకరమైన విత్తనాలను ఉపయోగించండి.
- ఉత్తమ పరిశుభ్రత చర్యలను పాటించండి.
- తెగులు సోకిన పంటలను దహనం చేసి దున్ని నాశనం చేయండి.
- డిస్పోజబుల్ పరికరాలు, తెగులు సోకిన మొక్కల పదార్థం లేదా మట్టిని ఆటోక్లేవింగ్, అధిక-ఉష్ణోగ్రత వద్ద భస్మీకరణం లేదా బాగా లోతుగా ఖననం చేయడం చేయాలి.
- పొలం నుండి తొలగించబడిన ఏదైనా పరికరాలను రెండు బ్యాగ్లలో ప్యాక్ చేయాలి.
- భవిష్యత్తులో అంటువ్యాధులను ప్రేరేపించే వ్యాధికారక మనుగడ మరియు ప్రాధమిక ఐనోకులంను తగ్గించడానికి పంట కోతల తర్వాత పంట అవశేషాలను పొలంలో లోతుగా కప్పెట్టండి.
- ప్రస్తుతం గాలి వీస్తున్నదిశకు సమాంతరంగా మొక్కల వరుసలను నాటడం, మొక్కల జనాభాను తగ్గించడం మరియు వరుసలలో అధిక ఖాళీతో నాటడం ద్వారా పందిరి లోపల గాలి కదలికను ప్రోత్సహించండి.
- ఆకు ఎక్కువ సేపు తడిగా ఉండకుండా ఉండడానికి వీలైతే, సాయంత్రం వేళల్లో సమయంలో నీటిపారుదల మరియు ఓవర్ హెడ్ పద్దతిలో నీరు పెట్టడం నివారించండి.
- తగినంత ఎరువులు వేయండి.
పంచుకోండి
ప్లాంటిక్స్‌ను డౌన్‌లోడ్ చేసుకోండి
