దోస జాతి పంటలో జిగట కాండం ఎండు తెగులు (గమ్మీ స్టెమ్ బ్లిట్ అఫ్ క్యూకర్బిట్స్ )

దీనికి కారణమేమిటి?

స్టాగోనోస్పోరోప్సిస్ కుకుబిటసేయరుమ్ అనే ఫంగస్ వలన ఈ లక్షణాలు కలుగుతాయి. ఈ తెగులు ఈ జాతిలో అనేక రకాల పంటలకు సంక్రమిస్తుంది. విత్తనాలద్వారా ఒక మొక్కనుండి ఇంకొక మొక్కకు ఈ ఫంగస్ సంక్రమిస్తుంది. వీటికి అతిధేయ మొక్కలు అందుబాటులో లేకపోతే ఒక సంవత్సరం వరకు లేదా అంతకకన్నా ఎక్కువ సమయం తెగులు సంక్రమించిన పంట అవశేషాలపై జీవిస్తుంది. వసంత ఋతువులో వాతావరణ పరిస్థితులు అనుకూలంగా వున్నప్పుడు బీజాంశాలు ఉత్పత్తి అవుతాయి. ప్రధానంగా వీటివలన ఈ ఫంగస్ సంక్రమిస్తుంది. తేమ, 85 % కన్నా అధికంగా వున్న సాపేక్ష ఆర్ద్రత వర్షం మరియు 1 నుండి 10 గంటల వరకు ఆకులపై తేమవుండడం ఈ ఫంగస్ త్వరితంగా వ్యాప్తి చెందడానికి మరియు లక్షణాలు ఏర్పడడానికి అనుకూలంగా ఉంటాయి. వీటికి అనుకూలమైన ఉష్ణోగ్రత జాతుల పైన ఆధారపడి వుంటుంది. పుచ్చ పంట మరియు దోసకాయలో 24°C మరియు కర్బూజ పంటలో 18°C వీటికి అనుకూలమైన ఉష్ణోగ్రతగా ఉంటుంది. ఈ బీజాంశాలు పాత్ర రంధ్రాలు మరియు గాయాల అవసరం లేకుండా పైపొర ద్వారా నేరుగా లోపలకు ప్రవేశిస్తాయి. చారల దోసకాయ పెంకు పురుగులు, గాయాలు, మరియు తామర పురుగులు తినడంతో పాటు బూజు తెగులు వలన ఈ తెగులు త్వరితంగా వ్యాపిస్తుంది.