చెరుకు
చెరుకు కన్ను మచ్చ తెగులు
Bipolaris sacchari
శీలీంధ్రం
క్లుప్తంగా
- ముందుగా ఆకు రెండు వైపులా ఎర్రటి మచ్చలు.
- తరువాత ఎరుపు నుండి గోధుమ రంగు అంచులతో దీర్ఘవృత్తాకార మచ్చలు ఏర్పడతాయి.
లో కూడా చూడవచ్చు
చెరుకు
లక్షణాలు
ఇనాక్యులేషన్ అయిన 1-3 రోజులలో, బి. సచ్చారి సోకిన చెరుకు ఆకుల రెండు వైపులా చిన్న ఎర్రటి మచ్చలుగా ప్రారంభమయ్యే గాయాలను ప్రదర్శిస్తాయి. ఈ మచ్చలు ప్రధాన ఈనెలకు సమాంతరంగా పొడవైన అక్షంతో దీర్ఘవృత్తాకారంగా మారతాయి. ఇవి ఎరుపు నుండి గోధుమ రంగు అంచులు కలిగి వుంటాయి. వీటి మధ్య భాగం బూడిద లేదా తోలు రంగులోకి మారుతుంది. ఈ మచ్చలు కలిసిపోయి పొడవైన గీతలు ఏర్పడవచ్చు. ఈ తెగులు తీవ్రంగా వున్నప్పుడు విత్తిన 12-14 రోజులలో చెరుకు మొలకలు పైనుండి ఎండిపోయి చనిపోవచ్చు.
సిఫార్సులు
సేంద్రీయ నియంత్రణ
దురదృష్టవశాత్తు, బైపోలారిస్ సచ్చరికి వ్యతిరేకంగా ఎటువంటి ప్రత్యామ్నాయ చికిత్స లేదు. ఈ తెగులుతో పోరాడటానికి సహాయపడే పదార్థం ఏదైనా మీకు తెలిస్తే మాకు తెలపమని మిమ్మల్ని అభ్యర్థిస్తున్నాము. మీ నుండి వినడానికి ఎదురుచూస్తూ ఉంటాము.
రసాయన నియంత్రణ
అందుబాటులో ఉంటే, వీలైనంతవరకు ఎల్లపుడూ జీవపరమైన మరియు నివారణ చర్యలతో కూడిన సమీకృత విధానాన్నిపరిగణలోకి తీసుకోండి. 0.2% కాపర్ ఆక్సిక్లోరైడ్ లేదా 0.3% మాంకోజెబ్ ను 10 నుండి 15 రోజుల వ్యవధిలో 2 నుండి 3 సార్లు ఆకుల పైన పిచికారీ చేయాలి. తెగులు తీవ్రతను బట్టి పిచికారీ చేయాలి.
దీనికి కారణమేమిటి?
ఈ కన్ను మచ్చ తెగులు బీజాంశం (కోనిడియా) ద్వారా వ్యాపిస్తుంది, ఇవి ఆకు గాయాలపై సమృద్ధిగా ఉత్పత్తి అయి గాలి మరియు వర్షం వలన చెదరగొట్టబడతాయి. అధిక తేమ మరియు మంచు వాతావరణం శిలీంధ్ర బీజాంశం అంకురోత్పత్తి చెందడానికి అనుకూలంగా ఉంటుంది. ముదురు ఆకుల కంటే లేత ఆకులలో ఇవి చాలా వేగంగా ఆవాసం ఏర్పరచుకుంటాయి. ఈ తెగులు విత్తనం ద్వారా సంక్రమించదు. పరికరాల ద్వారా యాంత్రిక సంక్రమణ మరియు మానవ కార్యకలాపాల ద్వారా సంక్రమణ ఒక సమస్య కాదు.
నివారణా చర్యలు
- మార్కెట్లో విడుదలైన వాటి నుండి తెగులు నిరోధక రకాలను ఉపయోగించండి.
- ఈ తెగులును నివారించడానికి ఇది అత్యంత సమర్థవంతమైన మార్గం.
పంచుకోండి
ప్లాంటిక్స్‌ను డౌన్‌లోడ్ చేసుకోండి
