టమాటో
బొట్రేటిస్ ఎండు తెగులు
Botrytis cinerea
శీలీంధ్రం
క్లుప్తంగా
- ఆకులు,చిగుర్లు, పండ్లు లేదా మొగ్గల పైన బూడిద రంగు బూజు ఏర్పడుతుంది.
- కణజాలంపై వెంట్రుకల వంటి బూడిద - గోధుమ రంగు శీలింద్రపు ఎదుగుదల కనిపిస్తుంది.
- దీని ప్రభావానికి గురైన మొక్కల భాగాలు వాడిపోయి గోధుమ రంగులోకి మారి చనిపోతాయి.
- కొన్ని పంటలలో కొమ్మలు పైనుండి చనిపోవడం మరియయు కాంకర్స్ ఏర్పడడం జరుగుతుంది.
టమాటో
లక్షణాలు
పండ్లు లేదా కాయలు మరియు ఆకులపై అధికమొత్తంలో బూడిద బూజు కనపడుతుంది. దీనివలన ఒక గజిబిజి ఆకారం ఏర్పడుతుంది. మొక్కల కొన్ని భాగాలు కానీ లేదా మొక్క మొత్తం కానీ వాలిపోయి గోధుమ రంగులోకి మారి చనిపోవచ్చు. వెంట్రుకల లాంటి మరియు బూడిదరంగు నుండి గోధుమ రంగు అతుకులు ఈ కణజాలాలపై విస్తారంగా కనిపిస్తాయి. పండ్లను నిలువ చేసిన సమయంలో కూడా ఈ తెగులు సంక్రమిస్తుంది. ఈ రెండు పరిస్థితులలోనూ పంట దిగుబడికి తీవ్రంగా నష్టం కలుగుతుంది. మొక్క క్రింద భాగంలో వున్న ఆకులు మరియు కాండం కుళ్లిపోయి మొత్తంగా మొక్కలు చనిపోతాయి. కొన్నిపంటలలో అప్పుడప్పుడు కొమ్మలు చనిపోవడం మరియయు కాంకర్స్ ఏర్పడడం జరుగుతుంది.
సిఫార్సులు
సేంద్రీయ నియంత్రణ
ట్రైకోడెర్మా హర్జీయానాం వంటి జీవ శీలింద్ర నాశినులను ఉపయోగించవచ్చు. స్ట్రెప్టోమైసిస్ గ్రిసియో విరిడేస్ కూడా లెట్టూస్ వంటి పంటలలో వాడవచ్చు.
రసాయన నియంత్రణ
వీలైనంతవరకు ఎల్లపుడూ జీవసంబంధమైన మరియు నివారణ చర్యలతో కూడిన సమీకృత సమగ్ర సస్యరక్షణ విధానాన్నిపరిగణలోకి తీసుకోండి. పంట కోతల సమయం దగ్గర పడినప్పుడు ఈ తెగులు వ్యాపించడం వలన ఈ తెగులును నియంత్రించడం చాలా కష్టమైన పని. ఈ సమయంలో పురుగుల మందులను వాడడం వలన పంట ఉత్పత్తులపై ఈ పురుగుల మందుల విశేషాలు ఉండి పోయి విషపూరితం అవుతుంది. ఈ తెగులు ముందు దశలలో సంక్రమించినట్లైతే క్లోరోతలోనిల్ వాడవచ్చు. ఫ్లూవాజినం మరియు థియోఫానేట్-మిథైల్ కూడా పనిచేస్తాయి. అధికంగా వాడే పురుగుల మందులకు ఈ తెగులు నిరోధకతను పెంచుకుంటుంది.
దీనికి కారణమేమిటి?
ఈ తెగులు భూమిలో ఉండే బొట్రీటీస్ సినేరియా అనే ఫంగస్ వలన కలుగుతాయి. ఇది తరుచు వర్షాలు మరియు చల్లని వాతవరణం, అధికంగా తడిగా ఉన్న పరిసరాల్లో వ్యాపిస్తుంది. ఫంగస్ ఎదుగుదలకు మరియు వ్యాప్తి చెందటానికి తగిన ఉష్ణోగ్రతలు 15 - 20 డిగ్రీల సెల్సియస్. లక్షణాలు మొదట దెబ్బతిన్న ఆకులు మరియు తీగల మీద కనిపిస్తాయి. పొలానికి అధికంగా నీటి సరఫరా చేయటం లేదా మొక్కలను దగ్గరగా నాటడం వలన కూడా ఫంగస్ ఎదుగుదలకు అనువైన వాతావరణాన్ని అందించినట్టు అవుతుంది.
నివారణా చర్యలు
- ధ్రువీకృత డీలర్ల నుండి ఆరోగ్యకరమైన మొక్కల పదార్థాలు వాడాలి.
- వ్యాధి నిరోధక రకాలు నాటాలి.
- మొక్కలను త్వరగా నాటండి లేదా త్వరగా పక్వానికి వచ్చే రకాలను నాటండి.
- మొక్కల మధ్యలో సరైన అంతరం పాటించాలి.
- సరైన వరుసలలో మొక్కలు నిటారుగా పెరిగేటట్టు చూడండి.
- పొలంలో సరైనడ్రైనేజ్ సౌకర్యం ఏర్పాటు చేసుకోండి.
- అనవసరంగా నీరు పెట్టడం మానుకోండి.
- ఎరువులను అధిక మోతాదులో వాడవద్దు.
- పొలంలో పని చేసే సమయంలో మొక్కలు దెబ్బతినకుండా జాగ్రత్తలు తీసుకోండి.
- పొలాన్ని తరుచూ గమనిస్తూ తెగులు సోకిన మొక్కల భాగాలను తొలగించండి.
- ఐనోక్యులమ్ ను తగ్గించడానికి మట్టిపై ఆకులను( మల్చింగ్) కప్పి ఉంచండి.
పంచుకోండి
ప్లాంటిక్స్‌ను డౌన్‌లోడ్ చేసుకోండి
