అరటి
పసుపు మరియు నలుపు సిగటోక తెగులు
Mycosphaerella sp.
శీలీంధ్రం
క్లుప్తంగా
- గోధుమ రంగు ఆకు మచ్చలు.
- ఆకు ఈనెలకు సమాంతరంగా పసుపు రంగు వలయంతో సన్నని, నల్లని చారలు గీతలు.
- పెద్ద నిర్జీవ (నెక్రోటిక్) ప్రాంతాలు.
లో కూడా చూడవచ్చు
అరటి
లక్షణాలు
సిగటోక ఫంగస్ మొదటి లక్షణాలు ప్రతి మూడు లేదా నాలుగవ ఆకుపై కనిపిస్తాయి. చిన్న, లేత పసుపు రంగు మచ్చలు (1-2 మిల్లీమీటర్ల పొడవు) ఆకుల పై అంచుల వద్ద రెండవ ఈనెకు సమాంతరంగా (పసుపుపచ్చ సిగటోక) ఇంకా ఎరుపు నుండి -గోధుమ రంగు చారలు కింది వైపు (నల్లటి సిగటోక) కనిపిస్తాయి. ఇవి వృద్ధి చెంది సన్నని గోధుమ లేక ముదర ఆకు పచ్చ మచ్చలుగా కనిపిస్తాయి. ఇవి మరింత పెద్దవిగా మారి ఎరుపు రంగు చారలు నిటారుగా కనిపిస్తాయి (4-12 మిల్లీమీటర్ల పొడవు). పసుపు రంగుతో కూడిన ఎరుపు మచ్చలు ఆకుల అంచులపై కనిపిస్తాయి. ఈ మచ్చల మధ్యభాగం బూడిద-గోధుమరంగు నుండి గోధుమ రంగులోకి మారి నిర్జీవమైన మచ్చలుగా అవుతాయి. ఆకులలో పగుళ్ళ వలన ఆకు అంతా చిరిగిపోయినట్టు కనిపిస్తుంది.
సిఫార్సులు
సేంద్రీయ నియంత్రణ
జీవ శీలింద్ర నాశినులు అయిన ట్రైకోడెర్మా ఆట్రోవిరిడే వంటి వాటి వాడకాన్ని పొలాల్లో పరీక్షించి చూస్తున్నారు. కత్తిరించిన మొక్కల భాగాలపై బోర్డియక్స్ ను పిచికారీ చేయటం వలన ఈ ప్రాంతాలలో తెగులు మరలా రాకుండా ఉంటుంది.
రసాయన నియంత్రణ
వీలైనంతవరకు ఎల్లప్పుడూ జీవసంబంధమైన మరియు నివారణా చర్యలతో కూడిన సమీకృత సమగ్ర సస్యరక్షణ విధానాన్నిపరిగణలోకి తీసుకోండి. ఈ తెగులు ఎక్కువ స్థాయిలో ఉండకపోతే మాంకోజెబ్, కాలిక్సిన్ లేదా క్లోరోతలోనిల్ కలిగిన శీలింద్ర నాశినులను పిచికారీ రూపంలో వాడవచ్చు. ప్రొపికోనజోల్, ఫెన్బుకోనజోల్ లేదా అజోక్సీస్ట్రోబిన్ వంటి శీలింద్ర నాశినులను వాడవచ్చు. ఈ మందులకు నిరోధకత పెరగకుండా, వీటిని మార్చి మార్చి వాడాలి.
దీనికి కారణమేమిటి?
పసుపు మరియు నలుపు సిగటోక తెగులు లక్షణాలకు, మైకోస్ఫారెళ్ళ మ్యుసికోలా అనే ఫంగస్ కారణమవుతుంది. ఈ తెగులు ప్రపంచ వ్యాప్తంగా వుంది. అరటిలో ఈ తెగులు చాలా తీవ్రమైన నష్టాన్ని కలిగిస్తుంది. అధిక ఎత్తులలో చల్లని వాతావరణంలో లేదా వెచ్చని వాతావరణం వుండే ఉప ఉష్ణమండల ప్రాంతాలలో వర్షాకాలంలో ఈ ఫంగస్ చనిపోయిన లేదా బ్రతికివున్న మొక్కల కణజాలాలపై జీవిస్తూ బీజాలను విడుదల చేస్తుంది. ఈ తెలుగు వ్యాప్తి చెందే మరొక మార్గం తెగులు సోకిన మొక్క వ్యర్థాలు, మొక్కల చెత్త లేదా తెగులు సోకిన పండ్లను రవాణా చేయడం వలన వ్యాప్తి చెందుతుంది. ఇది అధిక ఎత్తులో, చల్లటి ఉష్ణోగ్రతలలో లేదా వెచ్చని వాతావరణాలు మరియు అధిక సాపేక్ష ఆర్ద్రత కలిగిన పెరుగుతున్న ఉప ఉష్ణమండల ప్రాంతాలలో వర్షాకాలంలో ఎక్కువగా జరుగుతుంది. ఈ ఫంగస్ 27°C వద్ద బాగా వృద్ధి చెందుతుంది. ఇది లేత ఆకులను ఎక్కువగా ఆశిస్తుంది. ఈ తెగులు వలన మొక్కల ఉత్పాదకత తగ్గుతుంది. దీనితో అరటి గెల పరిమాణం తగ్గి పండు త్వరగా పక్వానికి వస్తుంది.
నివారణా చర్యలు
- నిరోధక రకాలను ఉపయోగించండి (ఇది రుచిని ప్రతికూలంగా ప్రభావితం చేస్తుందని గమనించండి).
- మంచి నీటి పారుదల సౌకర్యం ద్వారా భారీ మట్టి నేలలు మరియు అధిక నేల తేమ వంటి కఠినమైన నేలలను నివారించండి.
- ఆకులను వీలైనంత పొడిగా ఉంచడానికి ఉదయం ఎండకు లేదా గాలులకు గురయ్యే ప్రదేశాలలో నాటండి.
- మంచి వెంటిలేషన్ ఉండేలా మొక్కల మధ్య తగినంత స్థలాన్ని వదలండి.
- ఓవర్ హెడ్ ఇరిగేషన్ ను వాడకండి.
- పొలంలో మరియు పొలం చుట్టుప్రక్కల కలుపు మొక్కలను తొలగించండి.
- సమతుల్య ఎరువులను వాడండి.
- తెగులు ప్రభావం తగ్గించడానికి పొటాషియం అధిక మోతాదు కలిగిన ఎరువులను వేయండి.
- భూమిలో ఫంగస్ ఎదుగుదల ఆపటానికి నత్రజనిని యూరియా రూపంలో వేయాలి.
- తెగులు సోకిన ఆకులను కత్తిరించి పొలానికి దూరంగా తీసుకునివెళ్ళి కాల్చివేయండి లేదా పూడ్చిపెట్టండి.
- మొక్కల వ్యర్థాలను తొలగించండి.
పంచుకోండి
ప్లాంటిక్స్‌ను డౌన్‌లోడ్ చేసుకోండి
