బొప్పాయి
బొప్పాయి మరియు మామిడిలో పక్షి కన్ను తెగులు
Colletotrichum gloeosporioides
శీలీంధ్రం
క్లుప్తంగా
- పండ్లపైన పెద్ద పరిమాణంలో ముదురు రంగు గాయాలు ఏర్పడతాయి.
- ఈ గాయాల మధ్యన గులాబీ నుండి నారింజ చుక్కలు గుండ్రని ఆకారంలో కనిపిస్తాయి.
- చుట్టూ పసుపు రంగు వలయంతో కూడిన ముదురు రంగు అంచుల బూడిద రంగు నుండి గోధుమరంగు మచ్చలు ఏర్పడతాయి.
బొప్పాయి
లక్షణాలు
ఈ తెగులు దానంతట అదే ఆకులపై ఏర్పడుతుంది. కానీ ఇది సహజంగా పండ్లకు సంక్రమించే తెగులు. ఆకులపై బూడిద రంగు నుండి గోధుమ రంగు మచ్చలు కనిపిస్తాయి. తరువాత ఈ మచ్చలు ఒక ప్రాంతానికి చేరి పెద్దగా మారతాయి. ఇది ఎదిగిన కొద్దీ మచ్చలు పెరుగుతాయి మరియు గుండ్రంగా, ముదురు గోధుమ మచ్చలుగా కనిపిస్తాయి. ముందుగా పండ్ల తొక్క పైన చిన్న మచ్చలు ఏర్పడతాయి. తరువాత ఈ మచ్చలు పెద్దగా అయ్యి ఐదు సెంటీమీటర్ల వరకు ఎదుగుతాయి. ఇవి గుండ్రంగా గోధుమరంగు మచ్చలుగా మారి నీటిలో నానినట్టుగా ఉండి కొంచెం ఉబ్బెత్తుగా ఉంటాయి. ఈ గాయాల మధ్యలో గులాబీ రంగు నుండి నారింజ రంగు మచ్చలు ఏర్పడతాయి. చిన్న పరిమాణంలో ఎర్రని గోధుమరంగు లో కొంచెం నొక్కుకుపోయినట్టు వుండే (రెండు సెంటీమీటర్ల వరకు) "చాక్లెట్ స్పాట్స్" అనబడే మచ్చలు ఏర్పడతాయి. పండ్లు ముందుగానే రాలిపోతాయి. పంట కొత్త తర్వాత వీటిని శీతల గోదాములలో నిలువ ఉంచినప్పుడు ఈ తెగులు లక్షణాలు బహిర్గతం అవుతాయి.
సిఫార్సులు
సేంద్రీయ నియంత్రణ
బాసిల్లస్ సబ్టిలిస్ లేదా బాసిల్లస్ మైలోలిక్యూఫేసియన్స్ వంటి జీవ శీలింద్రాలను కూడా ఉపయోగించవచ్చు. వేడి నీళ్ల చికిత్స ( 20 నిముషాల వరకు 48°C వద్ద) కూడా పండ్లపై ఉన్న ఫంగస్ ను చంపటానికి, రవాణాలో మరియు పొలంలో మరల ఈ తెగులు సోకకుండా చేయడానికి ఉపయోగపడుతుంది.
రసాయన నియంత్రణ
వీలైనంతవరకు ఎల్లప్పుడూ జీవపరమైన మరియు నివారణా చర్యలతో కూడిన సమీకృత సమగ్ర సస్యరక్షణ విధానాన్నిపరిగణలోకి తీసుకోండి. ఈ తెగులును నివారించడానికి అజోక్సిస్త్రోబిన్, క్లోరోఠాలోనిల్ లేదా కాపర్ సల్ఫేట్ లు గల శిలీంద్ర నాశినులను కనీసం 10 నుండి 12 రోజుల అంతరంతో వరుసగా కనీసం 3 సార్లు పిచకారీ చెయ్యవచ్చు. ఈ ఉత్పత్తులతో విత్తన శుద్ధి కూడా చేయవచ్చు. చివరగా పంట కోతల తర్వాత ఇతర దేశాలకు ఎగుమతి చేయడానికి ఈ మందులతో పాటు ఆహార ప్రమాణాలకు అనుగుణంగా వుండే మైనాన్ని వాడవచ్చు.
దీనికి కారణమేమిటి?
పక్షి కన్ను తెగులు ప్రపంచ వ్యాప్తంగా ఒక ముఖ్యమైన తెగులు. ఇది కల్లెతోత్రిచమ్ గ్లోఎస్ప్రియోడ్స్ అనే మట్టిలో జీవించే ఫంగస్ వలన కలుగుతుంది , ఇది విత్తనాలు మరియు పంట అవశేషాల పైన జీవిస్తుంది. ఇది గాయాలు లేని ఇంకా పక్వ దశకు రాని కాయలపైన పరిసరాలు అనుకూలంగా ఉన్నపుడు ఇది గాలి మరియు వర్షం వల్ల వ్యాపిస్తుంది. మామిడి, అరటి మరియు అవకాడో వంటి పంటలు దీనికి ప్రత్యామ్న్యాయ అతిధులు. సాధారణ ఉష్ణోగ్రతలు,(18 మరియు 28°C) అధిక తేమ( 97%)మరియు తక్కువ pH (5.8 నుండి 6.5) ఈ తెగులు వ్యాపించడానికి అనుకూల పరిస్థితులు. పొడి వాతావరణం మరియు అధిక సూర్యరశ్మి లేదా అధిక ఉష్ణోగ్రతలు దీనికి ఎదుగుదలకు అనుకూలంగా వుండవు. ఈ ఫంగస్ తన జీవిత చక్రం పూర్తి చేసుకోవటానికి పండ్లు ఒక దశ వరకు పండటం అవసరం.
నివారణా చర్యలు
- వర్షపాతం తక్కువగా ఉండే ప్రాంతాలను ఎంచుకోండి.
- తెగులు నిరోధక రకాలను నాటండి మరియు ఆరోగ్యకరమైన విత్తనాలు వాడండి.
- మొక్కల మధ్య తగినంత దూరం ఉండాలి.
- ఈ తెగులు సోకని సిట్రస్ లేదా కాఫీ వంటి అతిథేయికాని మొక్కలను పంట లోపల మరియు చుట్టూ నాటాలి.
- రాలిపోయిన పండ్లను, ఆకులను పొలంలో నుండి తొలగించాలి.
- పొలంలో కలుపులు లేకుండా చూసుకోండి.
- మంచి మురుగు నీటి పారుదల సౌకర్యం ఏర్పాటు చేసుకోండి.
- తీవ్రమైన లక్షణాలను నివారించడానికి పంట కోతలు త్వరగా పూర్తిచేయండి.
- పండ్లను మంచి గాలి వెలుతురు ప్రసరణ వుండే వాతావరణంలో నిల్వ చేయండి.
పంచుకోండి
ప్లాంటిక్స్‌ను డౌన్‌లోడ్ చేసుకోండి
