Mtama

Mbawakawa

Chiloloba acuta

Mdudu

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

Mbawakawa wa rangi ya kijani ya chuma ambao hula maua ya nafaka.
Uharibifu uliotokea kwenye maua huharibu uundwaji wa punje za nafaka.
Kinyesi cha wadudu hawa kinaweza kubadili rangi ya maua.
Wadudu hawa wanaweza pia kushambulia mizizi chipukizi na majani.

Inaweza pia kupatikana kwenye

3 Mazao

Mahindi

Mtama

Dalili

Huko India Kusini, mbawakawa huyu mwenye rangi ya kijani ya chuma, Chiloloba acuta, kwa kawaida hupatikana kwenye nyasi baada ya msimu wa monsuni za mashariki kaskazini. Hata hivyo, mdudu huyu wakati mwengine hula pia mtama wa lulu, mahindi na mtama, akitafuta chavua (hivyo jina lake maarufu jingine ni, mbawakawa wa chavua). Wakati akiwa anakula, anaweza kuharibu maua, hivyo kuharibu uundwaji wa punje za nafaka. Kinyesi cha mdudu huyu kinaweza kubadili rangi ya maua. Ingawa wanasemekana kula tu chavua na maua, wanaweza pia kushambulia mizizi chipukizi na hata majani, kama ikihitajika. Viwavi hupatikana kwenye maada za kikaboni zilizooza, na hawahesabiki kuwa kama wadudu waharibifu.

Mapendekezo

Udhibiti wa Kiasili

Viwavi vilivyokomaa vya mbawakawa hawa huathiriwa kwa urahisi sana na dozi za wastani hadi dozi kubwa za minyoo ya Heterorhabditis bacteriophora na baadhi ya spishi za Steinernema (S. siamkayai, S. thermophilum na S. abbasi), ambayo hunyonya virutubisho kutoka kwa mimea na wadudu. Baadhi ya spishi za kuvu, kwa mfano Metarhizium anisopliae, zinaweza pia kuwa nyenzo fanisi ya kudhibiti viwavi hawa. Chunguza kama bidhaa zenye minyoo hii zinapatikana katika eneo lako. Matibabu ya udongo kwa kutumia donge la mchanganyiko wa mwarobaini yanaweza pia kuwazuia viwavi hawa kula na hivyo kupunguza kiasi cha viwavi hawa.

Udhibiti wa Kemikali

Daima zingatia kutumia mbinu jumuishi zinazojumuisha mikakati ya kinga sambamba na matibabu ya kiasili, kama zikipatikana. Dawa za kuuwa wadudu zinaweza kutumika kuwauwa mbawakawa wakubwa.

Ni nini kilisababisha?

Uharibifu hufanywa na mbawakawa, Chiloloba acuta, mdudu ambaye amesambaa sana katika bara ya India. Mbawakawa wakubwa kwa kawaida huwa na rangi ya kijani ya chuma inayong'aa, lakini baadhi ya sampuli huwa na rangi nyekundu ama bluu iliyokolea. Miili yao hufunikwa na vishada vya manyoya, vinavyoonekana zaidi pembezoni na upande wa chini wa mwili. Mbawakawa jike hutaga mayai ya rangi ya maziwa pasipo kuhitaji mbawakawa dume, na mayai haya hutagwa kwenye tabaka la chini la udongo, kwenye majani, ama kwenye ubao uliooza. Viwavi huwa na umbo la C na hula maada za kikaboni zilizopo kwenye udongo (mashina, matawi ama vijiti). Mbawakawa wakubwa kwa kawaida huonekana kwenye nyasi huko India Kusini, baada ya msimu wa monsuni za mashariki kaskazini. Mara chache, wadudu hawa hula pia mtama wa lulu, mahindi na mtama, huku wakiharibu maua na punje za nafaka.

Hatua za Kuzuia

Kagua shamba mara kwa mara ili kugundua dalili za uwepo wa mbawakawa ama uharibifu kwenye maua.
Kusanya mbawakawa hawa kwa kutumia fagio la nyavu, kama lipo.

Demand Creation — reach farmers at diagnosis

Work in crop protection, seeds or fertilizer?

This page is powered by millions of live Plantix diagnoses. Reach farmers at the exact moment they diagnose Mbawakawa with Demand Creation, part of Plantix Intelligence.