अरारुटवरील खपली

कशामुळे झाले

आयोनिडोमयटिलस अल्बस नावाच्या खवले किड्यांमुळे लक्षणे उद्भवतात. हे झाडांचे रसशोषण करतात आणि त्यावरच रहातात, ह्यांचा प्रसार वार्‍याने किंवा प्राणी/मानवांच्या स्पर्शाने होतो. संक्रमित झाडाच्या सामग्रीचे वहन जसे कि पुनर्लागवडीसाठी कलम, ह्यातुनही रोगाचा प्रसार सुदूर अंतरावर होतो. माद्या झाडांचे रसशोषण करतात आणि फुटव्यांखाली अंडी घालतात. काही दिवसातच अंडी ऊबुन पिल्ले बाहेर येतात आणि झाडाच्या इतर भागांवर रांगत जातात जिथे त्यांचे पाय गळतात आणि ती पिल्ले सरपटणार्‍या किड्यात बदलतात. पिल्ले अधाशीपणे फांदीतील रस शोषतात आणि त्यांना वाळवितात. प्रौढ पांढरा मेणचण स्त्राव सोडतात जो विकसित होऊन अंडाकृती शिंपल्याच्या आकाराचा रुपेरी पांढर्‍या आच्छादनाचा खवला बनतो. नराला पंख असतात आणि कमी अंतरापर्यंत उडू शकतात तर माद्या पंखहीन असतात आणि सरपटतात. भरपूर पाऊस आणि जोराचा वारा किड्यांना इतर झाडांवर पसरवतो. ह्याविरुद्ध लांबलेली कोरडी हवामान परिस्थिती झाडांना जास्त संवेदनशील करते आणि ह्यांच्या प्रसारास बढावा देते.