Unknown Pathogen
बुरशी
संवेदनशील वाणात, तपकिरी किंवा राखाडी धब्बे फांदीच्या पृष्ठभागावर दिसु लागण्याने अरारुट फुटवा मरची लक्षणे उद्भवतात. हे धब्बे पूर्ण फांदीवर विखुरलेले असतात आणि सालीच्या आतल्या बाजुला असणार्या बुरशीच्या पुंजक्यांशी ते संबंधित असतात. क्वचितच ते पानांवरही उमटतात. जशी बुरशी वाढुन पाने खाते तशी ती पाने वाळतात. हे वाळलेले भाग बहुधा फांदीच्या फुटव्यांनाही आच्छादित करतात ज्यामुळे फुटवेही मरतात, ज्यामुळे कलमातुन नवे फुटवे येण्याची क्षमता कमी होते.
या बुरशीविरुद्ध कोणतेही जैविक नियंत्रक उपाय माहितीत नाहीत. जर आपल्याला माहिती असतील तर कृपया आमच्याशी संपर्क साधा.
नेहमी एकात्मिक दृष्टीकोन ठेवा म्हणजे प्रतिबंधक उपायांबरोबरच उपलब्ध असल्यास जैविक उपचार पद्धतीचा वापर करा. सामान्य बुरशीनाशक फवारणीची शिफारस क्वचितच केली जाते आणि म्हणुनच प्रतिबंधक उपाय आणि चांगल्या शेती सवयींवर भर द्यावा.
अरारुट फुटवे मर बुरशीमुळे होते जी फांदी आणि पानांच्या पृष्ठभागावर पसरते. रोगाच्या संक्रमणाचा मुख्य स्त्रोत असतो अरारुटचे संक्रमित कलम. काढणीनंतर ज्या फांद्या आणि पाने शेतात पडुन रहातात त्यातुनच रोग पसरतो. बुरशीचे बीजाणू ह्याच कचर्यातुन निर्माण होतात आणि नंतर वार्याने ह्यांचे वहन एका झाडावरुन दुसर्या झाडावर किंवा शेतात होते. तरीही, संक्रमित कलमांचा वापर हाच प्रसाराचा मुख्य वाहक आहे. संक्रमित फुटव्यांची ही कलमे अंकुरत नाहीत आणि शेतात चटकन ओळखता येतात. बुरशीचे पर्यायी यजमान आहेत गवत, धान्य, केळी आणि आंबा. आर्द्र हवामानात लागवड केलेल्या अरारुटमध्ये रोग बहुधा दिसतो. अस्वच्छ शेतात जर जास्त सापेक्ष आर्द्रता असल्यास तिथे रोगाचा विकास होण्यास हातभारच लागतो.