केळीवरील पतंग

कशामुळे झाले

ओपोगोना सैकरी प्रजातीच्या अळ्यामुळे ही लक्षणे उद्भवतात. पतंग निशाचर असतात. त्यांचे शरीर तपकिरी, सुमारे ११ मि.मी. लांबीचे असते आणि पंख १८-२५ मि.मी. लांबीचे असतात. पुढचे पंख एकसंध तपकिरी असुन काही वेळा त्यावर लांब गडद पट्टे दिसतात. नरांवर गडद तपकिरी ठिपके असतात. पाठचे पंख राखाडी आणि ठळक रंगाचे असतात आणि कडांना झालर असते. पतंगांच्या माद्या सुमारे ५०-२०० अंडी, ५ च्या गटाने झाडाच्या जखमात आणि चिरात घालतात. सुमारे १२ दिवसांनी पांढर्‍या किंवा फिकट हिरव्या, थोड्याशा पारदर्शक अळ्या ऊबुन बाहेर येतात. अळ्यांचे डोके ठळक लालसर ते तपकिरी असुन डोळ्यांसारखी चिन्हे त्यांच्या दोन्ही बाजुंना असतात. अळ्या ५० दिवसात सुमारे २६ मि.मी. वाढतात. मग त्या खाऊन तयार केलेल्या बोगद्याच्या टोकाला कोषात जातात व त्या नंतर २० दिवसांनी प्रौढ पतंगांची नवी पिढी बाहेर येते. थंड हवामान (सुमारे १५ डिग्री सेल्शियस) आणि कोरडे हवामान यांच्या विकासाला चांगले असते. हा काळ ऊबदार वातावरणात थोडा कमी होतो.