तंबाखू

बुरशीचे चिलट

Bradysia matogrossensis

किडा

पिकांना निरोगी करा

छायाचित्र घ्या

निदान पहा

पीक औषध मिळवा

प्लँटिक्स अ‍ॅप घ्या

थोडक्यात

चिलट हे छोट्या मच्छरासारखे किडे असतात.
तंबाखूच्या रोपांची मर होते.
बहुधा रोपवाटिकेत ही समस्या दिसते.

मध्ये देखील मिळू शकते

1 पिके

तंबाखू

लक्षणे

आपल्या तंबाखूच्या रोपवाटिकेत बुरशीची चिलट आहेत का हे तपासण्यासाठी: रोपांवरुन अलगद हात फिरवल्यास चिलट उडतील. रोपांच्या मुळांपाशी अळ्यांनी खाल्ल्याने नुकसान उद्भवते. अळ्या रोपांची मूळ खातात, ज्यामुळे झाडांची वाढ चांगली होत नाही, ती मरगळतात, पिवळी पडतात, पानगळ होते आणि अखेरीस वाळतात.

शिफारशी

जैविक नियंत्रण

बॅसिलस थुरिंगिएनसिसने रोपांची आळवणी करा. ह्यामुळे अळ्यांवर नियंत्रण मिळविता येईल.

रासायनिक नियंत्रण

प्रौढ चिलट दिसल्याने लगेच रसायनिक नियंत्रण करण्याची गरज नाही. जर त्यांची संख्या कमी असेल तर काही मोठी समस्या उद्भवत नाही. जर रोप वाढत्या संख्येने मृत होताना आढळली तरच रसायनांचा वापर करावा. फवारणीद्वारे बुरशीच्या प्रौढ चिलटांचे नियंत्रण केले जाऊ शकते. योग्य कीटनाशकांनी आळवणी केल्याने अळ्यांवर नियंत्रण मिळविले जाऊ शकते. जेव्हा कीटनाशक वा कोणतेही रसायनिक उत्पादन वापरीत असाल तर संरक्षक कपडे वापरणे आणि लेबलावरील सूचना लक्षपूर्वक वाचणे महत्वाचे आहे. नियम देशा-देशात वेगळे असतात, म्हणुन आपल्या भागातील मार्गदर्शनाचे पालन करावे. ह्यामुळे सुरक्षेची खात्री राहून यशस्वी वापराचा संभव वाढतो.

कशामुळे झाले

पाणी साचलेल्या ठिकाणी चिलट फोफावतात, खासकरुन जिथे वाळलेला पाचाोळा आणि सेंद्रीय सामग्री गोळा होते. म्हणुन रोपवाटिकेत बियाणे ऊगवल्यानंतर, साचलेल्या पाण्यावर, तरंगत्या ट्रेंमध्ये रोप वाढविली जातात, तिथे बुरशीची चिलट सर्वसामान्यपणे आढळतात. प्रौढ चिलट तरंगत्या ट्रेंमध्ये अंडी घालतात, बहुधा जेव्हा ऊगवल्यानंतर रोप कोवळी असतात. अळ्या अत्यंत बारीक, पारदर्शी किंवा पांढरट रंगाच्या असुन चमकदार काळे डोके असते. नुसत्या डोळ्यांनी त्यांना शोधण कठिण असते पण मुळांच्या आजुबाजुच्या मातीत आपणांस अगदी बारीक असे ठिपके हलताना दिसतील.

प्रतिबंधक उपाय

रोपवाटिकेत उडणारे प्रौढ किंवा प्रभावित रोप यांची तपासणी सकाळी लवकर करायला सुरवात करा.
निरीक्षण आणि मोठ्या प्रमाणात पकडण्यासाठी पिवळे चिकट सापळे लावा.
ह्या बारीक चिलटांसाठी हे सापळे अत्यंत मदतगार ठरतात.
पाणी साचणार नाही याची दक्षता घ्या.
तरंगणारे ट्रे असणार्‍या तळ प्रणालीत दोन ट्रेमध्ये अंतर असता कामा नये कारण ह्यामुळे शेवाळ वाढत ज्यास चिलटही खातात.
रोपवाटिकेत पाणी न साचवता, अति सिंचनही टाळा.
जास्त खतही देऊ नका कारण वाळलेली सेंद्रीय सामग्री जमा होते ज्यावर चिलट आकर्षित होतात.