फेसाळ किडा

कशामुळे झाले

फेसाळ किड्यांनी रस शोषण केल्याने नुकसान उद्भवते. ते बहुधा जास्त हानी करत नाहीत पण जर ते संख्येने जास्त वाढत असतील तर मात्र समस्या होऊ शकते. भक्षकांपासुन सुरक्षित रहाण्यासाठी ते फेसाळ द्रव्य तयार करतात. फेसाळ किड्यांच्या जीवन चक्राचे तीन भाग आहेत: अंडी, अळ्या, प्रौढ. प्रत्येक भाग सुमारे ६ महिन्यांचा असु शकतो. जेव्हा अंडी ऊबतात तेव्हा कोवळ्या अळ्या झाडांवर ताव मारतात. नंतरच्या टप्प्यावर ते स्वत:स सुरक्षित ठेवण्यासाठी फेस तयार करतात आणि त्यात प्रौढ होईपर्यंत वाढत रहातात. विकसित होण्यासाठी अळ्या झाडाच्या विविध भागांवर खाण्यासाठी १-३ महिने फिरत रहातात. प्रौढ फेसाळ किडे झाड्यांच्या पाला-पाचोळ्यात आणि फांद्यांवर अंडी घालतात. फेसाळ किड्यांची प्रत्येक मादी सुमारे १००-२०० अंडी घालते. ही अंडी झाडांवरच सुप्तावस्थेत रहातात. अळ्या बहुधा हिरव्या रंगाच्या असतात. प्रौढ होण्यापूर्वी त्यांच्या शरीराचा रंग गडद होत जातो तसेच पंखही विकसित होतात. फेसाळ किड्यांना शेंगवर्गीय तसेच नत्र समायोजन करणार्‍या झाडांवर ताव मारायला आवडतो.