तूर

शेंगावरील किडा

Riptortus pedestris

किडा

पिकांना निरोगी करा

छायाचित्र घ्या

निदान पहा

पीक औषध मिळवा

प्लँटिक्स अ‍ॅप घ्या

थोडक्यात

तपकिरीसर मध्यम आकाराचा झाडांवरील किडा.
हिरवे शेंगा गळतात.
अव्यवस्थित भरलेले शेंगा ज्यात काळे डाग आणि आक्रसलेले दाणे असतात.

मध्ये देखील मिळू शकते

5 पिके

वांगी

ढोबळी मिरची आणि मिरची

तूर

भात

अधिक

तूर

लक्षणे

शेंगांवर किडे समूहाने असतात. ते रंगाने तपकिरी किंवा फिकट हिरवे असतात. छोटे किडे आणि प्रौढ मिळुन हिरव्या शेंगांच्या कच्च्या दाण्यातील रस शोषण करतात. संक्रमित शेंगा आक्रसतात आणि त्यावर पिवळे धब्बे तसेच खाल्ल्याच्या जागी तपकिरी व्रण दिसतात व दाणे बारीक असतात. जर संक्रमण गंभीर असेल तर झाडाचा कोवळा भाग आक्रसतो आणि अखेरीस वाळतो.

शिफारशी

जैविक नियंत्रण

पाणी व तेल भरलेल्या भांड्यात हाताने किड्यांना वेचुन टाकले असता लोकसंख्या कमी होते. फुल आणि शेंग धारणेच्या काळात, किड्यांना गोळा करुन लहान क्षेत्रात जमिनीवर हाताने चिरडुन मारले जाऊ शकते. काळा साबण आणि रॉकेलचे मिश्रण वापरा: १७० ग्रॅ. काळा साबण पाण्यात मिसळा, हे मिश्रण १ ली. रॉकेलमध्ये विरघळवुन साबण/रॉकेलचे जाडसर तीव्रता असलेले मिश्रण तयार करा. ह्या मिश्रणातील ४०० मि.ली. मिश्रण ५ ली. पाण्यात मिसळा. शेंग विकसित झाल्यानंतर ह्याची फवारणी अठवड्याच्या अंतराने करा.

रासायनिक नियंत्रण

डायमिथोएट, मिथिल डेमेटन, इमिडाक्लोप्रिड किंवा थियामेथोक्झॅम ही संभावित प्रभावी कीटनाशके आहेत ज्यांची फवारणी केली जाऊ शकते.

कशामुळे झाले

शेंगावरील किड्यांना ऊन असलेले दिवस तसेच उच्च आर्द्रता पातळी भावते. अशा हवामानानंतर आपणांस संक्रमण दिसु शकते. तपकिरीसर काळे आणि लांबट अरुंद तुडतुड्यांचे पाय लांब असतात. छोटे किडे अत्यंत नाजुक असतात, फिकट पिवळसर असतात आणि नंतर ते हिरवट तपकिरी होतात. नंतर गडद तपकिरी मुंग्यांसारखे दिसु लागतात. प्रौढ तपकिरी, सडपातळ असतात व उडण्यात आणि उड्या मारण्यात जलद असतात.

प्रतिबंधक उपाय

प्रतिकारक वाण लावा.
अति संक्रमणाचा काळ टाळण्यासाठी लवकर पेरणी करा.
किडींची संख्या कमी करण्यासाठी शेतात ज्वारी किंवा मूग आंतरपीक घ्या.
मका आंतरपीक म्हणून घेऊ नका.
लागकडीनंतर एक महिन्याने झाडांवर लक्ष ठेवा.
नियमितपणे सकाळी जेव्हा किडे सक्रिय असतात तेव्हा तपासणी करत चला.
पिकांच्या अवशेषात किडे जगु नयेत म्हणुन अवशेष काढुन टाका.