कॉफीवरील नागअळी

कशामुळे झाले

कॉफी नागअळी (सीएलएम) च्या अळ्यांमुळे नुकसान उद्भवते ज्या फक्त कॉफीचीच पाने खातात. प्रौढ रात्री संभोग करतात आणि माद्या कॉफीच्या पानांच्या वरील पृष्ठभागावर अंडी घालतात. २० अंश तापमानात अंडी घालण्यापूर्वीचा काळ ३.६ दिवस असतो, प्रत्येक अंडे सुमारे ०.३ मि.मी. असते आणि नुसत्या डोळ्यांनी ती दिसण्यास कठिण असतात. ऊबल्यानंतर अळ्या अंड्याच्या पानांवरील बाजुने बाहेर पडतात आणि पानांत शिरतात. अळ्या पारदर्शक असतात आणि ३.५ मि.मी. लांबीपर्यंत वाढु शकतात. अळ्या पानांतील मेसोफिल द्रव्य खातात आणि पानांत बोगदे करतात. ह्या बोगद्यांमुळे पाने वाळणे आणि पानांच्या पृष्ठभागातुन प्रकाश संश्र्लेषण कमी होणे असे घडते. ह्यामुळे झाडाचा एकुणच प्रकाश संश्र्लेषण दर कमी होतो आणि झाड हळुहळु मरते. अळ्यांचे चार टप्पे आहेत. बोगद्यातुन बाहेर पडताना अळ्या बहुधा पानांच्या देठांच्या भागात X आकाराचे रेशमी कोष तयार करतात. झाडाच्या खालच्या बाजुला जिथे वाळलेली पाने जमा झालेली असतात तिथल्या पानांवर बहुधा कोष जास्त असतात. कोषातुन प्रौढ बाहेर पडतात. त्यांच्या शरीराची लांबी सरासी २ मि.मी. आणि पंखांची व्याप्ती ६.५ मि.मी. असते. त्यांच्या अंगावर पांढर्‍या केसांचे खवले असुन लांब मिशा असतात ज्या ओटीपोटाच्या शेवटापर्यंत पोचतात आणि पंख तपकिरीसर पांढरे झालरवाले असतात. कोषातुन बाहेर आल्यानंतर प्रौढ संभोग करुन अंडी घालतात ज्याने चक्र पुन्हा सुरु होते. ह्या किडीला कोरडा मोसम आणि जास्त तापमान भावते.