आंबा

आंब्यांच्या कोंबांवरील कोळी

Aceria mangiferae

किडा

पिकांना निरोगी करा

छायाचित्र घ्या

निदान पहा

पीक औषध मिळवा

प्लँटिक्स अ‍ॅप घ्या

थोडक्यात

वाढ खुंटते.
मोहोर मरतो.
पाने विकृत असुन गळतात.फांद्या काटक्यांसारख्या आणि जाड असतात.

मध्ये देखील मिळू शकते

1 पिके

आंबा

लक्षणे

कोंब खुजे आणि विकृत असतात ज्यामुळे पानगळ होते आणि रोपाची वाढ खुंटते. ह्यामुळे फांद्या काटक आणि जाड्या होतात. कोवळी झाडे ह्या हल्ल्यास जास्त संवेदनशील असतात. कोळी बहुधा फ्युसॅरियम मॅग्निफेरे बुरशीसह संकरमित करतात. ह्याचे झाडा-झाडातील वहन आणि झाडातील विविध भागातील वहन कोळ्यांद्वारे केले जाते ज्यांच्या खाण्यामुळे झालेल्या जखमातुन बुरशी प्रवेश करते.

शिफारशी

जैविक नियंत्रण

फिटोसिड भक्षक (अॅम्ब्लिशियस स्विर्स्की) ना शेतात सोडा / जोपासा. गंधकाची भुकटी किंवा १० पाऊंडाचा वेटेबल सल्फर १०० गॅलन पाण्यात मिसळुन दिल्यानेही प्रभावी राहील. तसेच कीटनाशक साबण आणि आकार ५० इसी कोळ्यांची लोकसंख्या नियंत्रित करण्यात प्रभावी ठरले आहे.

रासायनिक नियंत्रण

नेहमी एकात्मिक दृष्टीकोन ठेवा म्हणजे प्रतिबंधक उपायांबरोबरच उपलब्ध असल्यास जैविक उपचार पद्धतीचा वापर करा. अॅकारिसाइड असणार्‍या कीटनाशकांचे उपचार करा ज्यामुळे नुकसान कमी होईल पण नष्ट होणार नाही. एथियॉन, केल्थेन हे सक्रिय घटक असणारी कोळीनाशके २ अठवड्याच्या अंतराने वापरावित. डायकोफॉल १८.५ इसी. (२.५मि.ली. प्रति ली.) किंवा वेटेबल सल्फर (५० डब्ल्यूपी) २ ग्राम प्रति ली. ची फवारणी घ्यावी

कशामुळे झाले

कोंबांवरील कोळ्यांमुळे नुकसान उद्भवते. आंब्याच्या कोंबांवरील कोळ्यांचे प्रौढ हे अतिसूक्ष्म असतात, रंगाने पांढुरके, आकाराने दंडाकार आणि सुमारे ०.२० मि.मी. लांबीचे असतात. हे पूर्ण वर्षभर खोडावरील आणि फांद्यांवरील न उगवलेल्या फुटव्यात रहातात. लोकसंख्या वाढण्याच्या काळात ते मुख्य कोंबाकडे जातात. कोंबावरील कोळ्यांचे प्रजनन अॅर्हेनोटोकी (फलित न झालेल्या अंड्यातुन नर जातीची प्रजाती उत्पन्न होणे) द्वारे होते आणि अंड्यांचे चक्र उन्हाळ्यात २-३ चक्र चालते तर हिवाळ्यात ह्याच्या दुप्पट काळ लागतो. हिवाळ्याच्या महिन्यातच बहुधा पानांच्या पृष्ठभागावरील जखमा दिसतात, ज्यामुळे पानांवरील फोटोसिंथेटक प्रक्रिया सुमारे ३०% कमी होते.

प्रतिबंधक उपाय

माया, पामर, किट आणि केंटसारखे प्रतिकारक वाण लावा कारण हे वाण फार छोट्या कोळ्यांच्या वस्त्यांना सहन करु शकतात.
प्रभावित काटक्या छाटा.
हिवाळ्याच्या शेवटच्या महिन्यात खास करुन, वेळोवेळी तपासत चला.
जेव्हा प्रति पान६ किंवा जास्त कोळी दिसतील तेव्हा नियंत्रण उपाय सुरु करावेत.