आंब्यावरील खोडकिडा

कशामुळे झाले

बॅक्टोसेरा र्‍युफॉमॅक्युलाटाच्या प्रौढ आणि अळ्यांमुळे नुकसान उद्भवते. बीटल्स सुमारे २५-५५ मि.मी. लांबीचे असुन लांब मिशा असतात तसेच ते निशाचर असतात. माद्या बीटल्स नुकसानीत किंवा ताणयुक्त झाडाच्या सालींना कापतात आणि तिथे अंडी घालतात किंवा माती वाहून गेल्याने उघड्या पडलेल्या मूळांत घालतात. अळीच्या नंतरच्या जीवन टप्प्यावर ते लाकडात खोल पोखरुन आतच कोषात जातात. बाहेर निघण्याच्या छिद्रातुन नंतर प्रौढ बाहेर येतात आणि काटक्यांच्या साली तसेच वाढणारे कोंब खातात. प्रौढ सुमारे ३-५ सें.मी. लांबीचे, राखाडीसर तपकिरी असुन त्यांच्या छातीच्या दोन्ही बाजुला २ यकृताच्या आकाराचे नारिंगीसर पिवळे डाग असतात. पूर्ण वाढ झालेल्या अळ्या दुधाळ रंगाच्या असुन डोके गडद तपकिरी असते आणि सुमारे १० सें.मी.पर्यंत लांबीच्या असतात. अळ्यांची वाढ होण्यासाठी बहुधा एक वर्षापेक्षा जास्त काळ लागतो. अळ्या मऊ सालींना पोखरतात आणि त्यांच्या आकारामुळे निर्माण होणार्‍या मोठ्या बोगद्यांनी झाडीवर आणि फळ उत्पादनावर विपरित परिणाम होतो. फांद्यांच्या आतच त्या कोषात जातात आणि उन्हाळ्यात उशीरा प्रौढ बाहेर येतात. ते निशाचर असुन पुष्कळ महिने जगतात आणि लांब अंतरांपर्यंत उडु शकतात ज्यामुळे त्यांचा प्रसार चांगला होतो. ह्या उपद्रवाची फक्त एकच पिढी प्रत्येक वर्षी होते.