हेलिकोव्हर्पा सुरवंट

कशामुळे झाले

हेलिकोव्हर्पा आर्मिगेराच्या सुरवंटांमुळे नुकसान होते, जे पुष्कळशा पिकातील सर्वसामान्य उपद्रव आहेत. हेलिकोव्हर्पा आर्मिगेरा हा कृषी क्षेत्रातील सर्वान विनाशक उपद्रव आहे. पतंग फिकट तपकिरी असुन पंखांचा पल्ला ३-४ सें.मी. असतो. पुढचे पंख पिवळे ते नारिंगी किंवा गडद नक्षीसह तपकिरी ठिपकेदार असतात. पाठचे पंख पांढरट, गडद शिरा असलेले आणि गडद लांबट डाग खालच्या कडांवर असलेले असतात. माद्या चेंडुसारखी गोलाकार, पांढरट अंडी एकेकटी किंवा पुंजक्याने मुख्यकरुन शेंड्याकडील भागातील फुलांवर किंवा पानांच्या पृष्ठभागावर घालतात. अळ्या त्यांच्या वयाच्या टप्प्याप्रमाणे गडद हिरव्या ते गडद लालसर तपकिरी असतात. त्यांच्या शरीरावर बारीक काळे ठिपके विखुरलेले असतात आणि डोके गडद रंगाचे असते. वयात आल्यानंतर शेवटी रेषा आणि पट्टे त्यांच्या पाठीवर आणि छातीवर उमटतात. जशी त्यांची संपूर्ण वाढ होते तशा त्या जमिनीत कोषात जातात. या किडींची लोकसंख्या बहुधा फळे/शेंगा/बोंड विकसनाच्या वेळी परमोच्च असते ज्यामुळे उत्पादनात मोठी घट होते.