मिरिड बग्ज

कशामुळे झाले

पिकाच्या जातीप्रमाणे मिरिड किड्यांच्या पुष्कळ प्रजातींमुळे नुकसान होते. कपाशीवर कँपिलोमा लिव्हिडा ज्याला डिंपल बग (मध्य आणि उत्तर भारतात) म्हणुनही ओळखले जाते, त्यामुळे नुकसान होते आणि क्रियोन्टियाडेस जातीचे पुष्कळसे सदस्य खासकरुन सी. बायसेरेटेन्स (दक्षिण भारतात) ह्यांच्यामुळे नुकसान होते. प्रौढ अंड्याच्या आकाराचे, चपट्या शरीराचे, हिरवट पिवळा ते तपकिरी रंगाचे असतात. विशिष्ट त्रिकोणी बाह्यरेषा पाठीच्या मध्यावर असतात. अंडी एकेकटी पानांच्या देठात घातली जातात आणि ४-५ दिवसांनी ऊबतात. छोटी पिल्ले त्यांच्या आकारामुळा आणि मापामुळे सहजपणे मावा समजली जाऊ शकतात. तरीपण मिरिड किडे माव्यांपेक्षा झटपट हालचाली करतात. सी. लिव्हिडाला ३०-३२ अंशाचे तापमान भावते. जसे तापमान ह्या आवडत्या तापमानापासुन वेगळे होते तसे त्यांचे जीवनचक्र हळु चालते. खासकरुन जर तापमान ३५ अंशावर गेले आणि जोराचा पाऊस पडला तर किड्यांची संख्या खूपच कमी होते.