बिहार केसाळ सुरवंट

कशामुळे झाले

स्पिलार्क्टिया ऑब्लिकाच्या अळ्यांमुळे बहुधा लक्षणे उद्भवतात. प्रौढांचे वैशिष्ट्य आहे कि ते मध्यम आकाराचे तपकिरी पतंग असुन त्यांचे पोट लाल असते आणि त्यावर काळे ठिपके असतात. माद्या पानांच्या खालच्या बाजुला पुंजक्याने (प्रति मादी सुमारे १००० )अंडी घालतात. उबल्यानंतर अळ्यांना लांब पिवळसर ते काळे केस असतात आणि त्या झाडाजवळ पडलेल्या पानांमध्ये कोषात जातात. अळ्यांच्या लवकरच्या टप्प्यात त्या आधाशीपणे पानांच्या पृष्ठभागाखालील हरितद्रव्य खातात. नंतरच्या टप्प्यांवर त्या एकेकट्या कडांपासुन पाने खातात. सामान्यपणे अळ्यांना पूर्ण वाढलेले पान पसंत असते, पण गंभीर संक्रमण झाल्यास वरचे शेंडे देखील प्रभावित होतात. बिहार केसाळ सुरवंट विविध देशांमध्ये डाळी, तेलबिया, कडधान्ये आणि काही भाज्या व ताग यावर हल्ले करतात व त्यामुळे गंभीर आर्थिक नुकसान होते. उत्पन्नाच्या नुकसानाची तीव्रता प्रादुर्भावाची तीव्रता आणि हवामान परिस्थितीनुसार बदलते कारण प्रजाती विकासासाठी १८-३३ अंश तापमान अनुकूल आहेत.