काटेरी बोंड अळी

कशामुळे झाले

इरियास इनस्युलाना नावाच्या काटेरी बोंडअळीमुळे हे नुकसान उद्भवते, जी उत्तर भारतातील सर्वसामान्य उपद्रव आहे. ह्या उपद्रवाचे पर्यायी यजमान आहेत, जास्वंदी आणि भेंडी. पतंग रुपेरीसर हिरवे ते पिवळे असतात, सुमारे २ सें.मी. लांब असतात आणि फुलांवर किंवा प्रकाशाच्या स्त्रोताजवळ दिसतात. पंखांवर तीन गडद पट्टे असतात. उन्हाळ्यात हिरव्या रंगाचे सामान्यपणे आढळतात तर शरद ऋतुन पिवळे आणि तपकिरीसर आढळतात. अंडी निळ्या रंगाची असुन कोवळ्या कोंबांवर, पानांवर आणि पुष्पकोषांवर एकेकटी घातली जातात. छोट्या अळ्या फिक्या तपकिरी असुन राखाडी ते पिवळ्या आणि नारिंगी वैशिष्ट्ये असतात. इतर सुरवंटांपासुन ह्यांना त्यांच्या अंगभर पसरलेल्या छोट्या काट्यांमुळे, मोठ्या भिंगातुन पाहिल्यास, सहज वेगळे काढता येते. जशा त्या मोठ्या होतात, त्या पानाला किंवा गळलेल्या रोपांच्या भागांना चिकटुन रेशमी कोष तयार करुन कोषात जातात. उष्णकटिबंधिय हवामानात एक पिढी २०-२५ दिवसात पूर्ण होते. कमी तापमान असल्यास ही प्रक्रिया दोन महिन्यांपर्यंतही लांबु शकते.