लिंबुवर्गीय पिकांवरील हिरवा मावा

कशामुळे झाले

पॉलिफॅगस अॅफिड अॅफिस स्पिरेकोला ज्याला स्पिरे अॅफिड म्हणुनही ओळखले जाते त्या माव्यांच्या उपद्रवामुळे ही लक्षणे उद्भवतात. सफरचंद, लिंबुवर्गीय आणि पपई व्यतिरिक्त, हे इतर महत्वाच्या पिकांमध्ये दुय्यम यजमान म्हणुन देखील उपद्रव करतात. क्राटेगस (हॉथॉर्न) आणि स्पेरे कुटुंबातील बर्‍याच प्रजाती जंगली यजमानात येतात. याचे शरीर पिवळे ते फिकट हिरवे आणि सुमारे २ मि.मी. लांबीची असते. ओटीपोटाच्या खाली तीन काळ्या बाहेर दिसणार्‍या गाठींसारखे भाग असतात. प्रौढ आणि पिल्ले पाने आणि फांद्यांचे अधाशासारखे रससोषण करतात आणि मोठ्या प्रमाणात मधाळ रस तयार करतात. या मधाळ रसात नंतर काजळी बुरशी घर करते. तापमानाचा यांच्या जीवनचक्रावर मोठा परिणाम होतो. उदा. २५ डिग्री सेल्शियसच्या तापमानात यांची एक पिढी ७-१० दिवसात पूर्ण होते तथापी उच्च तापमान आणि कमी सापेक्ष आर्द्रता या उपद्रवाला मानवत नाहीत. माव्याला थंडी देखील बर्‍यापैकी सहन होते, यावरुन सौम्य थंडीनंतर वसंत ऋतुच्या सुरवातीला यांचे अचानक प्रादुर्भाव लिंबुवर्गीय पिकात का होते ते कळते. शेवटी हे ट्रिस्टेझा विषाणू आणि इतर विषाणूंचे वहन विविध यजमानात करतात.