केळी फळांवर खपली देणारा भुंगा

कशामुळे झाले

नॅकोलिया ऑक्टासेमा नावाच्या केळी फळांवर खपली देणार्‍या भुंग्यामुळे हे नुकसान होते. प्रौढ फिकट तपकिरी ते पिवळसर तपकिरी छटेचे असुन त्यांच्या पंखांवर काळी चिन्हे असतात. हे जीवनमान कमी (४-५ दिवस) असणारे भुंगे संधीकाळात फारच सक्रिय असुन संध्याकाळी लवकर संभोग करतात. दिवसा ते अवशेषात आणि जुन्या पानांच्या खाली लपतात. माद्या उगवत असलेल्या घडावर किंवा त्याच्या आजुबाजुच्या पानांवर आणि पुष्पकोषांवर अंडी घालतात. उबल्यानंतर अळ्या घडावर जातात आणि खायला सुरवात करतात. अंडी ऊबण्यापासुन ते अंडी घालण्यापर्यंतचे त्यांचे जीवनचक्र हे २८ दिवसात पूर्ण होते. केळ्यावर खपली देणार्‍या भुंग्याला आर्द्र आणि ऊबदार हवामान भावते, आणि ओल्या काळात ते सगळ्यात जास्त नुकसान करतात. थंड आणि कोरड्या हिवाळ्याच्या काळात हे किडे दिसत नाहीत, पण ह्या काळात जर अकाली पाऊस आला तर दिसु शकतात. संशोधनांती असे दिसुन आले आहे कि कमी आर्द्रता आणि कोरड्या काळात प्रौढ संभोग करत नाहीत आणि अंडीही घालत नाहीत. केळ्याच्या पिकावरील सगळ्यात जास्त आर्थिक नुकसान करणारा हा उपद्रव आहे आणि जर नियंत्रण केले गेले नाही तर घडाचे १००% नुकसान होऊ शकते.