घेवडा वरील सुरवंट

कशामुळे झाले

अँटिकारसिया गेमाटालिसच्या प्रौढ पतंगांच्या पंखांचा पल्ला ३०-४० मि.मी. लांबीचा असतो. पुढचे पंख राखाडी ते फिकट पिवळसर तपकिरी किंवा गडद लालसर तपकिरी असतात. पाठचे पंख फिकट तपकिरी असुन त्यावर कडांजवळ फिकट रंगांच्या ठिपक्यांच्या ओळी असतात. पूर्ण पंखांना छेदणारी गडद रंगाची रेषा दोन्ही पंख पूर्ण पसरल्यावर दिसते. अंडी किंचित अंडाकृती, उंच सखल भागांची आणि ऊबण्याच्या थोड आधीपर्यंत पांढरी असतात, ऊबण्याच्या वेळी ती गुलाबी होतात. ती एकेकटी पानांच्या खालच्या बाजुला घातली जातात. ३-७ दिवसात अंडी ऊबुन बाहेर येणार्‍या अळ्या त्या अंड्याच्या टरफलालाच खातात. वे॑ल्व्हेटबीन पतंगच्या अळ्या त्यांच्या वेगवेगळ्या जीवन टप्प्यात वेगवेगळे रंग आणि चिन्ह असलेल्या असू शकतात. कोवळ्या अळ्यांची काही वेळेस सोयाबीनवरील तुडतुड्याशी (स्युडोप्लुसिया इन्क्लुडेन्स) गल्लत होते. कोषात जाण्याआधी अळ्या आक्रसुन सुमारे २५ मि.मी. लांबीच्या आणि महोगनी लाकडाच्या तपकिरी रंगाच्या होतात. कोष फिकट हिरव्यापासुन ते तपकिरी रंगापर्यंत बदलतात आणि सुमारे २० मि.मी. लांब असतात. ते जमिनीच्या पृष्ठभागाखालीच असतात. उन्हाळ्यात जीवनचक्र पूर्ण होण्यास सुमारे ४ अठवडे पुरतात. जेव्हा तापमान कमी होते तेव्हा जीवनचक्र पूर्ण होण्यास जास्त वेळ लागतो. एका वर्षात किती पिढ्या होतील हे प्रदेशांप्रमाणे बदलते.