ऑलिव्हवरील फळमाशी

कशामुळे झाले

बॅक्टोसेरा ओलेये नावाच्या ऑलिव्हवरील फळमाशीच्या अळ्यांमुळे लक्षणे उद्भवतात, जिचे यजमान फक्त ऑलिव्हची झाडेच आहेत. प्रौढ सुमारे ४.५ मि.मी. लांबीचे, काळ्या तपकिरी शरीराचे, नारिंगी डोके आणि छातीवर दोन्ही बाजुला पांढरे किंवा पिवळे ठिपके असतात. त्यांचे पंख अर्धपारदर्शक असुन त्यांच्या टोकाजवळ गडद डाग असतात आणि शिराही गडद असतात. ऑलिव्हवरील फळमाशी प्रौढ म्हणुन पुष्कळ महिने जगु शकते. माद्या सुमारे ४०० पर्यंत अंडी त्यांच्या जीवनकालात घालतात. अंडी घालण्यासाठी ओटीपोटाच्या बुडाशी असलेली नांगी वापरुन त्या पिकणार्‍या फळाच्या सालीत छिद्र करतात आणि एक अंडे त्या छिद्रात घालतात. अळ्या दुधाळ पांढर्‍या असतात आणि फळांचा गर खातात ज्यामुळे पुष्कळ नुकसान होते आणि अकाली गळही होते. तापमानाप्रमाणे ( अति अनुकूल २०-३० अंश), ऑलिव्हवरील फळमाशीच्या २-५ पिढ्या प्रतिवर्षी होतात.