चेरीवरील फळमाशी

कशामुळे झाले

चेरीवरील फळमाशींच्या अळ्यांनी खाल्ल्यामुळे नुकसान होते, ज्या भरपूर गर खातात काहीवेळा अधाशीपणे खातात. माशा जमिनीत कोषात जाऊन विश्रांती घेतात आणि वसंत ऋतुत बाहेर येतात. प्रौढ घरातील सामान्य माशीप्रमाणेच दिसतात पण खूप छोटे असतात. त्यांच्या काळ्या शरीराच्या पाठीवर पिवळी चिन्हे असतात. पंख अर्धपारदर्शक असुन काळे पट्टे असतात आणि ओटीपोटावर अरुंद पांढरे पट्टे असतात. ते परागकण, आणि झाडावर उपस्थित असलेल्या माव्यांनी सोडलेला मधाळ रस खातात. माद्या पुष्कळशी अंडी विकसित होणार्‍या फळांच्या सालीच्या आत घालते. ऊबल्यानंतर पांढुरक्या अळ्या मध्याकडे बोगदे करु लागतात. जिथे त्या तीन अठवड्यांपर्यंत खातात. नंतर फळांच्या सालीला भोक पाडुन बाहेर येतात आणि कोषात जाण्यासाठी जमिनीवर पडतात. प्रतिवर्षी ह्यांची फक्त एकच पिढी होते आणि उष्ण तसेच कोरड्या उन्हाळ्यात बागेत संक्रमण वाढते.