तंबाखू
वाईल्डफायर
Pseudomonas syringae pv. tabaci
जीवाणू
थोडक्यात
- प्रामुख्याने पानांवर तपकिरी, वाळलेले ठिपके दिसतात.
- ठिपक्यांसभोवताली पिवळी प्रभावळ असते.
- संक्रमित पाने मरगळतात, पिवळी पडतात आणि गळतात.
- पिकाची वाढ हळु होते किंवा होतच नाही.
मध्ये देखील मिळू शकते
तंबाखू
लक्षणे
लक्षणे जलदगतीने बळावतात. ठिपके प्रामुख्याने पानांवर येतात पण फांद्यांवर, फुलांवर आणि तंबाखूच्या फळांवरही येऊ शकतात. ठिपक्यांसभोवताली पिवळी प्रभावळ असते. ठिपके सुरवातीस बारिक, फिकट हिरवे, गोलाकार असतात पण केंद्रातील पेशी मेल्यानंतर तपकिरी होतात. ठिपके एकमेकात मिसळतातही. गंभीर बाबतीत पानांचे नुकसानीत भाग गळुन पडतात आणि फक्त पानांच्या शिरांचा सांगाडा शिल्लक रहातो. वाईल्ड फायर रोग पिकास वाढीच्या कोणत्याही टप्प्यावर होऊ शकतो, अगदी रोपवाटीकेतील रोपासही.
शिफारशी
जैविक नियंत्रण
वाईल्डफायरच्या नियंत्रणाचे पर्याय हे प्रतिबंधक उपाय आणि शेतीच्या चांगल्या सवयीतच सीमित आहेत.
रासायनिक नियंत्रण
ह्या जीवांणूंच्या नियंत्रणासाठी बोर्डो मिश्रणासारखे कॉपरवर आधारीत रसायनांचा वापर, झाडाच्या वाढीच्या सुरवातीच्याच टप्प्यांवर करावा. जिथे कृषीतील वापर मान्यता प्राप्त आहे त्या भागात, अँटिबायोटिक (प्रतिजैविक) स्ट्रेप्टोमायसिनचा पर्याय म्हणुन विचार केला जाऊ शकतो. तरीही स्ट्रेप्टोमायसिनचा प्रभाव थोडा कमी पडु शकतो कारण जिवाणू ह्याचा प्रतिरोध खूप लवकर निर्माण करतात. जेव्हा कीटनाशक वा कोणतेही रसायनिक उत्पादन वापरीत असाल तर संरक्षक कपडे वापरणे आणि लेबलावरील सूचना लक्षपूर्वक वाचणे महत्वाचे आहे. नियम देशा-देशात वेगळे असतात, म्हणुन आपल्या भागातील मार्गदर्शनाचे पालन करावे. ह्यामुळे सुरक्षेची खात्री राहून यशस्वी वापराचा संभव वाढतो.
कशामुळे झाले
ह्या रोगाचे जिवाणू ऊबदार आणि आर्द्र परिस्थितीत फोफावतात, जी बहुधा पावसाळी वादळानंतर असते. रोग कुठे आणि कसा व्हावा यात वार्‍याची मोठीच भूमिका असते. तुषार सिंचन केल्यानेही जिवाणूंचा प्रसार त्याचसारखा होतो. तंबाखूच्या झाडाच्या नैसर्गिक छिद्रातुन किंवा किड्यांनी केलेल्या जखमेतुन जिवाणू आत प्रवेश करतात. आत प्रवेश केल्यानंतर जिवाणू मोठे होतात आणि झाडाच्या आतच पसरत रहातात. जसजसे झाड कूजुन मरु लागते, हे जिवाणू परत हवामानात पसरु लागतात, जिथे ते इतर झाडांवर संक्रमण करु शकतात किंवा जमिनीत सुमारे दोन वर्षांपर्यंत तग धरु शकतात. संक्रमित झाडांचे अवशेष, जमीन किंवा शेती अवजारांद्वारेही हे जिवाणू नवनविन भागात पसरतात.
प्रतिबंधक उपाय
- जिवाणूची लागण लवकर होऊ नये म्हणुन निरोगी रोपे लावा.
- शेत स्वच्छ आणि अवशेषमुक्त राखा कारण जिवाणू अवशेषात लपतात.
- पिकांना जास्त पाणी देऊ नका कारण जास्त आर्द्रता पातळी रोगास पूरक असते.
- किड्यांनी केलेल्या जखमातुन जीवाणूंचा प्रसार होण्याची जोखीम टाळण्यासाठी किडींच्या लोकसंख्येचे व्यवस्थापन करा.
- रोगाच्या कोणत्याही लक्षणांसाठी , खासकरुन पाऊस पडुन गेल्यानंतर, पिकाचे निरीक्षण करत चला.
- निरोगी झाडांवर जिवाणूंचा प्रसार प्रतिबंध करण्यासाठी संक्रमित झाडाचे अवशेष काढुन नष्ट करा.
- जमिनीत जीवाणूंची संख्या बळावु नये म्हणुन पीक फेरपालट करा.
- रोगाचा उद्रेक झाल्यानंतर त्याच शेतात किमान दोन वर्ष तरी परत तंबाखूचे पीक लावु नका जेणेकरुन जमिनीत जिवाणू तग धरु शकणार नाहीत.
सामायिक करा
प्लँटिक्स डाऊनलोड करा
