ऊसाची पाने करपवणारा रोग

लक्षणे

लक्षणांचे दोन मुख्य प्रकार (तीव्र किंवा अतितीव्र) आणि दोन टप्पे (अप्रकट आणि ग्रासलेले) आहेत. तीव्र प्रकारात पानाच्या पात्यावर शिरेस समांतर रेषा येतात. ह्या सुमारे १ सें.मी.पर्यंत रुंद असु शकतात. अतितीव्र प्रकारात पक्व झाड अचानक मरगळते. बहुधा बाहेरुन काहीच लक्षणे दिसत नाहीत. रोग सूप्त असु शकतो, काही काळापर्यंत दिसत देखील नाही आणि झाडावर गंभीर संक्रमण झाल्यावरच पहिले लक्षण दिसते. रोगाचे पहिले लक्षण आहे पानांवर पेन्सिलीच्या रेषेसारखे पिवळ्या किनारीचे पट्टे शिरांना समांतर येतात आणि तिथला भाग वाळतो. रोगामुळे फुटवे खुजे होतात आणि मरगळतात. प्रभावित पाने पूर्ण तपकिरी पडण्यापूर्वी बहुधा निस्तेज निळसर हिरव्या रंगाची असतात. तणावपूर्ण परिस्थितीत, पूर्ण फुटवाच वाळतो. पक्व कांडीत, बाजुचे फुटवे टोकाकडुन वाळतात आणि मध्यम ते घनदाट बाजुचे फुटवे येतात. बाजुचे फुटवे बहुधा करपल्यासारखे किंवा पेन्सिलीच्या पांढर्‍या रेषेसारखे दिसतात.