भात
जिवाणूजन्य ओंबी मर
Burkholderia glumae
जीवाणू
थोडक्यात
- दाण्यात फिकट ते मध्यम तपकिरी रंगहीनता दिसुन येते.
- नंतर दाणे राखाडीसर, काळे किंवा गुलाबी होऊ शकतात कारण इतर जीवाणु किंवा बुरशी ओंबीत ठाण मांडतात.
- ओंब्या ताठ उभ्या रहातात.
मध्ये देखील मिळू शकते
भात
लक्षणे
शेतात हा बहुधा गोलाकार पॅटर्न घेतो. ओंबीचे गुच्छ दाणे भरण्याच्या सुमारास चांगले विकसित होत नाहीत आणि ओंब्या दाण्यांच्या वजनाने झुकायला हव्यात तेव्हा सरळ ताठ उभ्या रहातात. संक्रमित दाणे ओंबीवर अनियमितपणे विखुरलेले असतात. संक्रमित ओंबीखालील फांदी हिरवीच रहाते. फुलोर्‍यातुन विकसित होणार्‍या दाण्यांना जंतु संसर्ग करतो आणि परागीकरण झाल्यानंतर दाणे गळतात किंवा कुजतात. ओंबी खालील एक तृतियांश ते अर्ध्या भागातील दाण्यात फिकट ते मध्यम तपकिरी रंगहीनता दिसुन येते. ओंबीवर संक्रमित इतर बुरशी किंवा जंतुंमुळे हे दाणे नंतर राखाडीसर, काळे किंवा गुलाबी पडतात.
शिफारशी
जैविक नियंत्रण
बुरखोल्डेरिया प्रजातीविरुद्ध कोणतेही पर्यायी उपचार माहितीत नाहीत. जर आपणांस ह्या रोगावरील उपचार माहिती असतील तर कृपया आमच्याशी संपर्क साधा. आम्ही आपल्या उत्तराची वाट पहात आहोत.
रासायनिक नियंत्रण
नेहमी एकात्मिक दृष्टीकोन ठेवा म्हणजे प्रतिबंधक उपायांबरोबरच उपलब्ध असल्यास जैविक उपचार पद्धतीचा वापर करा. माफ करा, बुरखोल्डेरिया ग्लुमेविरुद्ध कोणतेही रसायनिक उपचार आम्हास ठाऊक नाहीत. जर आपल्याकडे ह्या रोगावरील काही खात्रीलायक उपचार असल्यास कृपया आमच्याशी संपर्क साधा. आम्ही आपल्या उत्तराची वाट पहात आहोत.
कशामुळे झाले
जिवाणुजन्य ओंबी मरचा प्रसार संक्रमित बियाण्यातून होतो. रोगाचा प्रसार तापमानावर अवलंबित आहे. जिवाणुजन्य ओंबी मर जास्त करुन गरम, कोरड्या हवेत रोपाच्या वाढीच्या नंतरच्या टप्प्यावर विकसित होते. जेव्हा तापमान ३२ डिग्री सेल्शियसपेक्षा जास्त असणार्‍या दिवशी अणि रात्रीचे तापमान २५ डिग्री सेल्शियस किंवा त्यापेक्षा जास्त रहाते तेव्हा ह्यांचा भर जास्त होतो . उच्च नत्राची पातळीसुद्धा या रोगाच्या विकासाला अनुकूल असते. वसंत ऋतुमध्ये लवकर लागवड केलेल्या भातावर जिवाणुजन्य ओंबी मरचे नुकसान ओंबी येताना आणि दाणे भरताना असलेल्या थंड हवामानामुळे कमी दिसते.
प्रतिबंधक उपाय
- पूर्वीच्या पिकांचे अवशेष काढणीनंतर शेतातुन काढुन स्वच्छ करा.
- फक्त प्रमाणित तसेच रोगमुक्त बियाणेच लावा.
- उपलब्ध असल्यास थोडा प्रतिकार असलेले भाताचे वाण निवडा.
- वसंत ऋतुमध्ये पीक लवकर लावा.
- खत नियोजन कार्यक्रम नियंत्रित ठेवा आणि खासकरुन नत्रयुक्त खते शिफारशीपेक्षा जास्त प्रमाणात देऊ नका, . जास्त पाणी देऊ नका.
- रोगट झाडे शोधण्यासाठी पिकांचे नियमित निरीक्षण करा.
- शेंगवर्गीय पिकांसारख्या यजमान नसलेल्या पिकांसह फेरपालट करा.
सामायिक करा
प्लँटिक्स डाऊनलोड करा
