आंब्यावरील जिवाणूजन्य काळे ठिपके

लक्षणे

आंब्यावरील जिवाणूजन्य काळ्या डागांची मुख्य लक्षणे पानांवर आणि फळांवर दिसतात पण जास्त प्रादुर्भाव झाल्यास ती काटक्या आणि फांद्यांवरही दिसु शकतात. सुरवातीला पानांवर बारीक काळे आणि पाणी शोषल्यासारखे ठिपके दिसतात. ह्या ठिपक्यांची कडा पिवळसर असते आणि हे ठिपके शिरांनी मर्यादित असतात. जसा रोग वाढतो तसे हे ठिपके सुकतातआणि पानगळही होते. सुरवातीला संक्रमित फळांवर पाणी शोषल्यासारखे फिकट ठिपके येतात. कालांतराने काळ्या तार्‍यांच्या आकाराचे खोलगट होऊन त्यातुन संक्रमित चिकट स्त्राव झिरपतो ज्यामुळे संधीसाधु जंतु आकर्षिले जातात. कमी प्रदुर्भावात फळांची प्रत खालवते तर जास्त प्रादुर्भाव झाल्यास फळे गळतात. फांद्या आणि देठांवरील ठिपके काळे दिसतात आणि परिणामी चिरा पडतात ज्यामुळे झाडाची स्थिरता कमजोर होते.